+21 °С
Болытлы
Җәмгыять
23 сентябрь 2019, 14:35
Балыклар үлүне кайчан бетерәчәкләр?
Башкортстанда Благовещен елгасындагы буаны экологик тернәкләндерү 2024 ел ахырына гына планлаштырыла. Республика экология министры вазыйфасын башкаручы Урал Искәндәров Хөкүмәттәге оператив киңәшмәдә төзекләндерү проектының нинди этапта булуын хәбәр итте.
Башкортстанда Благовещен елгасындагы буаны экологик тернәкләндерү 2024 ел ахырына гына планлаштырыла. Республика экология министры вазыйфасын башкаручы Урал Искәндәров Хөкүмәттәге оператив киңәшмәдә төзекләндерү проектының нинди этапта булуын хәбәр итте.
Кайчандыр бу Потеха елгасындагы шәһәр буасы халыкның төп ял итү урыны булган. Шәһәрнең бер сәнәгать предприятиесендәге буага агынтылар, шулай ук санкцияләнмәгән сәнәгать калдыклары чүплеге аркасында, монда елга койган урында бөтен балык үлгән.
Тиешле сигналдан соң "Благовещен арматура заводы" предприятиесе эшчәнлеге туктатылды, чүплек бетерелде. Шәһәр халкы буаны чистартса да, балык үлү дәвам итә. Алга таба биредә җирле кошчылык фабрикасы калдыкларын елгага чыгару урыны табылган.
Узган ел Башкортстанның Табигатьтән файдалану һәм экология министрлыгы буаны экологик тернәкләндерү эшенә кереште.
Подрядчы сайлау буенча тендер игълан ителгән иде, ул сулыкның хәзерге торышын өйрәнүне үз өстенә алырга, аны торгызу буенча чаралар тәкъдим итәргә тиеш иде.
"2019 елга өстенлекле бурыч булып "уникаль су объектларын саклап калу" федераль проект кысаларында чараны алга таба гамәлгә ашыру өчен объект буенча проект-смета документациясе эшләрен тәмамлау тора. 2024 ел ахырына 30,5 гектар мәйданлы буаны экологик реабилитацияләү планлаштырыла, бу исә әлеге су объекты янында халыкның экологик яшәү шартларын яхшыртырга мөмкинлек бирәчәк", — диде Урал Искәндәров.
Белешмә. Буаның киңлеге - 400 метр, озынлыгы - 2 километр тирәсе, тирәнлеге 2,5 метрдан артмый.
