+21 °С
Болытлы
Җәмгыять
9 гыйнвар 2020, 17:50
Эчеп агуланучылар азайган
Башкортстанда 2020 елның беренче сигез көнендә 279 кеше “алкогольдән агулану” диагнозы белән госпитализацияләнгән. Үткән ел белән чагыштырганда, бу 21 очракка азрак.
Башкортстанда 2020 елның беренче сигез көнендә 279 кеше “алкогольдән агулану” диагнозы белән госпитализацияләнгән. Үткән ел белән чагыштырганда, бу 21 очракка азрак.
- Сөйләвемчә, үткән ел алкосуррогатлар белән агуланудан үлү 70 процентка кимеде. Яңа елның беренче сигез көнендә 279 кеше алкогольдән агуланып госпитализацияләнде. Башка елларда бу сан 300не уза иде, — дип билгеләде төбәк җитәкчесе социаль челтәрләрдә.
Республиканың битараф булмаган кешеләреннән суррогат сату турында 1000 хәбәр, 250 рейд – бу “Стоп суррогат” көрәшенең кечкенә бер өлеше генә.
- Хәбәрләре расланганнарны бүләкли башладык. Дөресен әйткәндә, бу проектны башлаганда моңа скептик карашта булучылар күп иде. Алкоголь куллануны туктатып булмау, күп эчеп бәйрәм үткәрү традицияләре барлыгы турында сөйләделәр. Ләкин чынлыкта кешеләргә альтернатива биргәндә күп нәрсәнең үзгәрүе ачыкланды – дип яза Башкортстан Башлыгы.
Күпләр өстәл артында утыруга караганда, мәдәни һәм спорт чараларына өстенлек биргән. Радий Хәбиров бу эшне дәвам итәргә һәм кешеләргә альтернатива бирергә вәгъдә бирде.
