+20 °С
Болытлы
Җәмгыять
27 Май 2020, 15:20
Депутатлар торак йортларда "салып бирү" урыннарын тыячак
Дәүләт җыелышы депутатлары якындагы утырышта республикада "салып бирү" дип аталучы урыннарны тыярга планлаштыралар. Аерым алганда, пленар утырышта халык сайланучылары этил спирты һәм алкоголь җитештерүне һәм әйләнешен җайга салу турындагы законга үзгәрешләр караячак.
Дәүләт җыелышы депутатлары якындагы утырышта республикада "салып бирү" дип аталучы урыннарны тыярга планлаштыралар. Аерым алганда, пленар утырышта халык сайланучылары этил спирты һәм алкоголь җитештерүне һәм әйләнешен җайга салу турындагы законга үзгәрешләр караячак.
"Документ белән күп фатирлы йортларда һәм алар янәшәсендәге территорияләрдә урнашкан һәм шул ук вакытта алкоголь продукциясен сатучы җәмәгать туклану объектларына хезмәт күрсәтү залы өчен кимендә 25 квадрат метр мәйдан буенча чикләүләр билгеләү тәкъдим ителә", - дип аңлаттылар Дәүләт җыелышы матбугат хезмәтендә.
Корылтай Рәисе Константин Толкачев сүзләренчә, подвалларда, торак йортларның беренче катларында урнашкан барлар, рюмочныйлар һәм башка шундый биналар, алар янәшәсендәге киоскларда, гражданнарның тынычлыгын боза торган асоциаль шәхесләрне үз тирәсенә җыялар.
"Мондый урыннарда уңайсыз криминоген хәл барлыкка килә. Һәм болар барысы да кешеләрнең фатирларының тәрәзәсе янында, балалар мәйданчыгыннан, мәктәпләрдән, балалар бакчасыннан ике адымда гына. Өстәвенә, тәүлек буе, чөнки мондый биналар алкогольне төнлә саталар - гомуми туклану лицензиясе булганда бу тыелмаган. Факт буенча исә мондый төнге сәүдә еш кына кибетләр тарафыннан алып барыла, алар җәмәгать туклануы хезмәтләрен күрсәтүне имитацияли", - диде республика Дәүләт Җыелышы спикеры.
Фото: "Башинформ".
