+21 °С
Болытлы
Җәмгыять
26 июнь 2020, 04:40
Агач үсми, үлән чыкмый
Салават шәһәре җитәкчеләре Бекетов урамында яшәүчеләрнең аһ-зарын “Инцидент-менеджмент” системасы теркәгәннән соң гына “ишеткән”
Салават шәһәре җитәкчеләре Бекетов урамында яшәүчеләрнең аһ-зарын “Инцидент-менеджмент” системасы теркәгәннән соң гына “ишеткән”
“Инцидент-менеджмент” системасы Стәрлетамак шәһәрендәге Содовиклар паркын төзекләндергән подрядчы оешманың җитешсезлекләрен бетерергә ярдәм итәчәк. Шушы шәһәрдә яшәүче Альбина Салихова социаль челтәрләрдә эшләрнең тиешле дәрәҗәдә башкарылмавы турында язган.
“Шәһәрнең үзгәрүе, төзекләндерелүе яхшы: балалар белән йөрергә урын бар, — дип билгели. — Эшнең сыйфатына да игътибар булсын иде. Содовиклар паркында асфальтны кыш якынлашканда салдылар. Хәзер ул урыны белән җимерелә. Савыр (туя) агачлары үсеп китәлмәгән, газон тигез түгел, үләннәр дә чыкмаган. Подрядчы җитешсезлекләрне бетерәчәкме?”
Альбина ханымның мөрәҗәгатенә Стәрлетамак шәһәре хакимияте башлыгы Владимир Куликов җавап биргән.
“Подрядчы гарантия йөкләмәләре кысаларында җитешсезлекләрне бетерәчәк, — дип хәбәр итә ул. —Хәзер паркта асфальт катламы өлешчә алмаштырыла. Барлык эшләр дә подрядчы оешма акчалары исәбенә гарантия йөкләмәләре буенча башкарыла һәм июнь ахырына кадәр төгәлләнәчәк. Шулай ук газон тәртипкә китерелә. Аны башта кара туфрак белән күмделәр, аннары ул кабат чәчелде. Кыш буена бер генә савыр агачы да үсеп китәлмәде. Үсентеләргә вакыт-вакыт су сибәләр”.
