Үзара ярдәмләшеп яшәгәндә барысын да җиңеп була!

Республикада югары әзерлек режимы кертелгән беренче көннәрдә үк Сибай шәһәре хакимияте тарафыннан кисәтү чараларының берсе итеп барлык учреждениеләрдә стенага урнаштырыла торган терсәк диспенсерлары булдырырга карар ителде.

Диспенсерлар барлык дөньяда җәмгыять урыннарында кулланыла. Алар уңайлы һәм хәвефсез – махсус рычаг аркасында анда куллар белән кагылмыйлар, бу бактерияләр таралуны урап узарга мөмкинлек бирә.
Мондый диспенсерларны алу җиңел булмый. Русиядәге компанияләрдә ул вакытта алар калмаган, ә заказ биргән очракта 4 ай көтәргә кирәк була. Шуңа Кытайдагы Лэшань (Сычуань провинциясе) шәһәрендәге партнерларга мөрәҗәгать итәргә булалар. Чит илдәге дуслар теләп, хәтта бушлай ярдәм күрсәтә. Диспенсерлар партиясе Сибайга 30 июньдә кайта.
Шәһәр кешеләре бу мөһим ярдәм өчен бик рәхмәтле. Бер-береңә ярдәм күрсәтеп яшәгәндә, барлык авырлыкларны җиңәргә була бит!
Кайтарылган 144 диспенсер гигиена аеруча мөһим булган төрле учреждениеләргә урнаштырыла. Беренче чиратта – мәктәпләргә, балалар бакчаларына, шәһәр читендәге лагерьларга. Балалар җәмгыять урыннарында саклану чараларын куллануның мөһимлеген аңлап үсәчәк. Пандемия һичшиксез бетәр, ә файдалы гадәтләр калачак!
Бу вакыйга турында Сибай хакимияте башлыгы Рөстәм Афзалов социаль челтәрдәге битендә пост та урнаштырган: “Дуслардан ярдәм алу шундый рәхәт! Лэшань шәһәре белән без хезмәттәшлек турында килешүгә кул куйдык, безне «Jiunghe» компаниясе белән берлектә тормышка ашырачак, Сибайда цемент заводы төзү буенча зур инвестицион проект бәйли. Зур рәхмәт сезгә, дуслар!” – дип язган ул.

Фото: vk.com/id511935577