+24 °С
Яңгыр
Җәмгыять
24 декабрь 2020, 09:50
9 яшьлек кыз машина астына эләккән
Уфа урамында җитди юл һәлакәте булган.
Уфа урамында җитди юл һәлакәте булган.
Юл-транспорт фаҗигасе 23 декабрь кичендә булган.
Кыз көйләнми торган җәяүлеләр кичүе буенча юл аркылы чыгарга уйлаган. “ГАЗель” микроавтобусы Беренче май урамы буйлап 228нче “Сипайлово — Максимовка ОК” маршруты буенча хәрәкәт иткән.
ЮХХДИ хәбәр итүенчә, Кремль урамына таба барганда машина йөртүче баланы бәрдергән. Нәтиҗәдә, төрле җәрәхәтләр алган 9 яшьлек кызны дәваханәгә алып киткәннәр.
Юл аша чыкканда түбәндәге кагыйдәләрне мотлак үтәргә кирәк:
- юлны светофор булган урында гына кисеп чыгарга;
- светофор булмаса, "зебра" табарга мөмкин. Ләкин чыкканчы башта уңга-сулга карарга кирәк;
- әгәр бала кечкенә икән, ул, һичшиксез, өлкән кеше белән булырга тиеш;
- юлны аркылы чыкканда туктарга һәм тоткарланырга ярамый;
- велосипед белән юлны чыкканда, аннан төшәргә һәм йөртеп алып чыгарга кирәк.
Фото: ГИБДД по РБ
