+21 °С
Болытлы
Җәмгыять
2 март 2021, 17:05
Сирена тавышыннан курыкмагыз, бу тикшерү генә!
Иртәгә, 3 мартта, урындагы вакыт белән 10: 00 сәгатьтән 12: 00 сәгатькә кадәр халыкка үзәкләштерелгән хәбәр итүнең төбәк автоматлаштырылган системасының әзерлеге торышын комплекслы тикшерү узачак.
Иртәгә, 3 мартта, урындагы вакыт белән 10: 00 сәгатьтән 12: 00 сәгатькә кадәр халыкка үзәкләштерелгән хәбәр итүнең төбәк автоматлаштырылган системасының әзерлеге торышын комплекслы тикшерү узачак.
Тикшерү барышында республика территориясендә булган барлык электр сиреналарының 3 минутка кадәр сигналлары яңгыраячак, алар «Россия 1», «Россия 24», «Первый канал», «БСТ», «Спутник ФМ», «Юлдаш», «Ашкадар» каналлары аша да тапшырылачак.
Халыкка хәбәр итү өчен кәрәзле элемтә операторларын һәм халыкка хәбәр итү буенча Гомумрусия «ОКСИОН» комплекслы системасы элементларын җәлеп итү планлаштырыла.
Комплекслы тикшерү белән бер үк вакытта икенче этап үзәкләштерелгән хәбәр итү системасының модернизацияләнгән Төбәк автоматлаштырылган системасын (система 2020 елның 10 ноябреннән тәҗрибәле эксплуатациядә) кабул итү сынаулары да үткәреләчәк.
Комплекслы тикшерү нәтиҗәләрен исәпкә алып, үзәкләштерелгән хәбәр итүнең яңартылган Төбәк автоматлаштырылган системасы даими файдалануга тапшырылачак.
Гадәттән тыш хәл булган очракта "Бөтен кешегә дә игътибар!" сигналы 5 минутка кадәр электр сиреналары, көчле тавышлар һәм сәнәгать предприятиеләренең гудоклары, аннан соң телевизион һәм радиотапшырулар аша биреләчәк.
Республика халкыннан һәм кунакларыннан сирена тавышыннан соң тәртип һәм тынычлык саклауларын, әлеге чараны аңлап кабул итүләрен сорыйлар.
Фото: башинформ
