Башкортстан солдатлары сынатмас!

Русия Федерациясе Кораллы Көчләре Генераль штабының үзәк конкурс комиссиясе Башкортстанда үз эшен дәвам итә.

Русия Федерациясе Кораллы Көчләре Генераль штабының баш оештыру-мобилизацияләү идарәсе башлыгының беренче урынбасары, генерал-лейтенант Дмитрий Касперович җитәкчелегендә үзәк конкурс комиссиясе төбәктә үз эшен дәвам итә.

Бүген, 30 мартта, Октябрьский шәһәре объектлары тикшерелде. Беренче булып "Җиңү" паркының хәрби техника музеенда булды, анда алар Мәңгелек утка һәм тыл хезмәтчәннәре һәйкәленә чәчәкләр салды.

Башкортстан Хөкүмәте Премьер-министры урынбасары Ирек Сәгыйтов, Русия Герое Дмитрий Касперович һәм комиссия әгъзалары 20нче мәктәп укучылары һәм аларның әти-әниләре белән аралаштылар. Кунаклар кадетларның күрсәтмә чыгышларын карады.

- Киләчәктә нинди һөнәр сайлавыгыз мөһим түгел, иң мөһиме - сезгә ул ошасын, шөгыльләнергә җыенган эшегез шатлык алып килсен, - дип теләде укучыларга генерал-лейтенант Дмитрий Касперович.

Үзәк конкурс комиссиясенең чираттагы объекты Октябрьский шәһәре аэродромы булды, анда кунаклар гражданнарны Һава-десант гаскәрләрендә хәрби хезмәткә әзерләүне оештыру белән танышты. Шул ук көнне Октябрьский шәһәре хәрби комиссариаты һәм 1нче санлы балалар шәһәр дәваханәсе эше тикшерелде. Монда комиссия әгъзаларына беренчел хәрби исәпкә куелганда гражданнарны медицина тикшерүен оештыру тәкъдим ителде.

Фото: Башкортстан Хөкүмәте сайтыннан.