+21 °С
Болытлы
Җәмгыять
11 июнь 2021, 05:55
Башкалада күңелле чаралар үтәчәк
Башкалабызда Русия көненә, Салават Юлаев тууына – 267, Уфа кальгәсенә нигез салынуга 447 ел тулуга багышланган бик күп бәйрәм чаралары үтәчәк. Рәсми чаралар Салават Юлаев һәм Шәехзадә Бабич һәйкәлләре һәм Дуслык монументына чәчәкләр салудан башланачак.Уфада Агыйдел яры буе 12 июньдә шәһәр халкы һәм кунакларның бәйрәм итү урыны булачак. Биредә Русия көнен һәм “Русия даны” Бөтенрусия фестивален бәйрәм итү кысаларында “Минем Русия”республика фестивале узачак. Амфитеатр сәхнәсендә республика артистларының чыгышлары, осталык дәресләре планлаштырылган. Шигърият сөючеләр өчен фотозоналар һәм “ирекле микрофон” эшләячәк.
Башкалабызда Русия көненә, Салават Юлаев тууына – 267, Уфа кальгәсенә нигез салынуга 447 ел тулуга багышланган бик күп бәйрәм чаралары үтәчәк. Рәсми чаралар Салават Юлаев һәм Шәехзадә Бабич һәйкәлләре һәм Дуслык монументына чәчәкләр салудан башланачак.
Уфада Агыйдел яры буе 12 июньдә шәһәр халкы һәм кунакларның бәйрәм итү урыны булачак. Биредә Русия көнен һәм “Русия даны” Бөтенрусия фестивален бәйрәм итү кысаларында “Минем Русия”республика фестивале узачак. Амфитеатр сәхнәсендә республика артистларының чыгышлары, осталык дәресләре планлаштырылган. Шигърият сөючеләр өчен фотозоналар һәм “ирекле микрофон” эшләячәк.
Программада: балалар өчен яраткан персонажлары булган декоратив-гамәли сәнгать һәм фотозона буенча осталык дәресләре; аниматорлар белән актив уеннар; халык сәнгать һөнәрләренең осталык дәресләре (агачка бизәк төшерү, хатын-кыз бизәнү әйберләре ясау); “тирмә” һәм “ихата” фотозоналары; “Арбат” форматында интерактив нокталары (гитарачылар, урам биючеләре, шигъри “баттл”, рәссамнар); Агыйдел яры буеның төп сәхнәсендә зур кичке концерт.
Уфада Агыйдел яры буе 12 июньдә шәһәр халкы һәм кунакларның бәйрәм итү урыны булачак. Биредә Русия көнен һәм “Русия даны” Бөтенрусия фестивален бәйрәм итү кысаларында “Минем Русия”республика фестивале узачак. Амфитеатр сәхнәсендә республика артистларының чыгышлары, осталык дәресләре планлаштырылган. Шигърият сөючеләр өчен фотозоналар һәм “ирекле микрофон” эшләячәк.
Программада: балалар өчен яраткан персонажлары булган декоратив-гамәли сәнгать һәм фотозона буенча осталык дәресләре; аниматорлар белән актив уеннар; халык сәнгать һөнәрләренең осталык дәресләре (агачка бизәк төшерү, хатын-кыз бизәнү әйберләре ясау); “тирмә” һәм “ихата” фотозоналары; “Арбат” форматында интерактив нокталары (гитарачылар, урам биючеләре, шигъри “баттл”, рәссамнар); Агыйдел яры буеның төп сәхнәсендә зур кичке концерт.
Чараны Башкортстанның Мәдәният, Яшьләр сәясәте һәм спорт министрлыклары, Уфа шәһәре хакимияте, Милләтләр эшләре буенча федераль агентлык ярдәмендә республика Халык иҗаты үзәге үткәрә.
Шәһәр чараларына өстәмә булып су транспорты төрләрен күрсәтү һәм авиация очышы булачак. Фарватер буенча бердәм сафта 50дән артык судно – теплоход, пароход, катер, рафт, каноэ, байдаркалар һәм көймәләр узачак. Бәйрәм чарасында “Первушино” аэродромыннан кече авиациянең өч самолеты үтәчәк, алар югары пилотаж фигураларын күрсәтәчәк. Шулай ук парадның һава өлешендә “ХелиПорт-Уфа” вертолетлары катнаша. Онытылмаслык тамаша 15.00 сәгатьтә башлана.
В. И. Ленин исемендәге мәйданда шәһәр кунаклары һәм халкы өчен “Уфа – бәхетле балачак шәһәре”, “Туристик Уфа”, “ЭКО стилендәге Уфа” конкурслары, спорт чарасы, Уфа спорт мәктәпләрендә тәрбияләнүчеләрнең күргәзмә чыгышлары һәм осталык дәресләре белән оештырылган бәйрәм чарасы 13.00 сәгатьтә башлана.
Бәйрәм чарасы 12.00 сәгатьтән Урыс дәүләт академия драма театры каршындагы мәйданда планлаштырылган. Шулай ук монда “Без – Русия гражданнары” акциясе узачак.
12 июньдә 14-20 сәгатьләрдә “Кунак сарае” мәйданында Шәһәр көненә багышланган “Вся Уфа” каналының бәйрәм телемарафоны узачак. Беренче тапкыр башкала телевидениесе алты сәгатьлек ачык студия уздырачак. Һәр теләүче конкурсларда катнаша, бүләкләр ота ала.
Мәйданда интерактив балалар зонасы оештырыла, анда “Вся Уфа” телеканалы алып баручысы балалар өчен мавыктыргыч осталык дәресе һәм күңел ачу уеннары уздырачак. Шулай ук телевизион фотозона эшләячәк, анда барлык теләүчеләр туры эфирда туганнарына һәм якыннарына сәлам тапшыра ала. Биредәге ярминкәдә үзенчәлекле бизәнү әйберләре, тәмле ризыклар һәм башка бик күп нәрсәләр сатып алырга мөмкин булачак.
12 июньдә, Шәһәр көнендә, “Торатау” Конгресс-холлының түбәнге мәйданчыгында (“Ватан” паркы, Зәки Вәлиди урамы, 2а) Уфа шәһәре хакимияте башлыгы кубогына көрәш буенча ачык турнир узачак. Ярышларда бөтен республикадан иң көчле 100 көрәшче катнаша. Турнирда 2003-05 елларда туган егетләр – дүрт авырлык категориясендә, 2002 елдагылар биш авырлык категориясендә көч сынашачак. Ярышларны ачу тантанасы сәгать 10да булачак. Барлык категорияләрдә җиңүчеләр һәм призерлар кубоклар, медальләр, грамоталар һәм кыйммәтле бүләкләр алачак.
12 июньдә “Уфа-Арена” спорт комплексында катнаш көрәш буенча (ММА) – “Серия – 34: Башкортстанның йөрәге һәм йодрыгы” турниры узачак. Башлана – 18.00 сәгатьтә.
Оештыручылар барлык ММА кануннары буенча Башкортстаннан һәм илнең башка төбәкләреннән көрәш буенча күрсәтмә көрәшләр белән үрелгән 20дән артык тәҗрибәле сугышчы катнашлыгында мавыктыргыч турнир вәгъдә итә. Бәйге кичәсенә ритмны “SPLASH барабанлы шоу”ның легендар музыкантлары бирәчәк. Турнирда Башкортстан данын Гайса Котышев һәм Юнир Бикбаев яклаячак.
Бәйрәм 23.00 сәгатьтә В. И. Ленин исемендәге мәйданда һәм “Мотор төзүчеләр” Мәдәният сарае каршында фейерверк белән тәмамланачак.
Фәнүз ХӘБИБУЛЛИН.
