Барлык яңалыклар
Җәмгыять
4 июль 2021, 09:30

Башкортстан Милли музеенда ике күргәзмә ачылды

Бүген иртән Башкортстан Милли музеенда VI Бөтендөнья фольклориадасы CIOFF® багышланган «Дөнья халыклары битлекләре» халыкара күргәзмәсе һәм «Дөнья халыклары уен кораллары» халыкара фотокүргәзмәсе ачылды.

Бүген иртән Башкортстан Милли музеенда VI Бөтендөнья фольклориадасы CIOFF® багышланган «Дөнья халыклары битлекләре» халыкара күргәзмәсе һәм «Дөнья халыклары уен кораллары» халыкара фотокүргәзмәсе ачылды.
- VI Бөтендөнья Фольклориадасы - халыклар дуслыгы, гореф-гадәтләребезне һәм тамырларыбызны саклау символы ул. Без бүген күп халыкларның мәдәнияте белән танышабыз. Тәкъдим ителгән экспозициядә теге яки бу йоланы, мәдәниятне гәүдәләндергән битлекләр бар. Шулай ук төрле халыклар үзләренең хисләрен музыка коралы аша күрсәтәләр. Уен коралы яңгырашында халыкның күңеле дә яңгырый, - диде чараны ачу тантанасында республика мәдәният министры Әминә Шәфыйкова.
Тантанада фольклор фестивальләрен һәм традицион сәнгатьләрне оештыру буенча Халыкара совет (CIOFF) президенты Филипп Боссан, В.Д.Поленов исемендәге Дәүләт халык иҗаты йорты директоры Тамара Пуртова, директор урынбасары, CIOFFF Русия милли секциясенең җаваплы секретаре, CIOFF®️ Бөтендөнья Фольклориаданы әзерләү һәм үткәрү буенча комитет әгъзасы Андрей Беляев, CIOFFF мәдәният буенча комиссиясе рәисе Моника Томингас катнашты.
Маскалар күргәзмәсендә 24 уникаль эшләнмәләр тәкъдим ителгән, аларны VI Бөтендөнья фольклориадасында катнашучылар алып килгән. Моннан тыш, килүчеләр традицион мәдәниятнең әлеге элементы белән бәйле фото һәм видеоматериаллар күрә алачак. Күргәзмә битлекләрне мәдәни мирасның уникаль өлеше буларак популярлаштыруга юнәлтелгән.
Шулай ук CIOFF® Яшьләр координация комитеты оешмалары тарафыннан төзелгән традицион уен кораллары фотокүргәзмәсе эшли башлады. Проектның максаты - музыка ярдәмендә мәдәни күптөрлелек идеясен алга сөрү һәм шул ук вакытта төрле мәдәниятләргә охшашлык күрсәтү. Уникаль күргәзмәдә Аргентина, Италия, Колумбия, Парагвай, Португалия, Русия, Төньяк Македония, Словения, АКШ, Төркия, Франция, Чили кебек илләрдә төрле эре фестивальләр һәм чаралар барышында бөтен дөнья буйлап меңләгән тамашачы булды.
Экспозицияләр 9 июльгә кадәр Уфа шәһәре, Совет урамы, 14 адресы буенча эшләячәк. Битлек кию режимын саклап, керү ирекле.
Фото: Фәнүз Хәбибуллин.