+12 °С
Яңгыр
Барлык яңалыклар
Җәмгыять
16 июль 2021, 10:55
“Тротуардан “стоянка” ясадылар...”
“Инцидент” системасы ярдәмендә халыкның үзәгенә үткән проблема нәтиҗәле чишелешен тапкан.
“Тротуардан “стоянка” ясадылар...”
“Инцидент” системасы ярдәмендә халыкның үзәгенә үткән проблема нәтиҗәле чишелешен тапкан.
“Күп еллар җәфалаган проблеманы хәл итәргә ярдәм итегез, зинһар. Уфаның Королев урамында кышын да, җәен дә кешеләргә йөрергә урын юк. Тротуардан “стоянка” ясадылар. Кышын бигрәк тә авыр, тротуардан машиналар йөри, алар алга кинәт килеп чыга да, коляска белән кар өеменә сикерәсең, җәен дә шул ук хәл. Анда юллар да беркайчан да ремонтланмады...” — дип язган республика Башлыгының социаль челтәрләрдәге битендә Алина Хәмитова. Бу мөрәҗәгатьне “Инцидент” системасы эләктереп алган һәм хәл итү өчен тиешле ведомствога юллаган.
“Академик Королев урамы, 8 адресы буенча урнашкан территорияне тикшерделәр һәм бу участокта, машиналар үтеп кермәсен өчен, киртә куярга булдылар. Бу көннәрдә (май, июнь) торак-коммуналь хезмәтләр ихаталардагы чокырларны ремонтлау белән мәшгуль ( шул исәптән Королев урамы буенча да), шуңа күрә киртәләрне куюга соңрак керешәчәкләр”, — дип җавап биргән Уфаның Октябрь районы хакимияте башлыгының беренче урынбасары Раил Мирхәйдәров. Соңрак ул, әлеге адрес буенча урамда киртәләр (ярымсфералар) урнаштырылды, дигән җавап та җибәргән.
“Мәләвез районының Самойловка, Миньковка, Первомайский авылларында даими рәвештә ял һәм эш көннәрендә 6-7 сәгатькә электр энергиясен сүндерәләр. Янәсе, бу линиядәге аварияләргә бәйле, чынында исә шәхси торак төзелешенең яңа участокларына электр үткәрү өчен. Өстәвенә, электр энергиясенең сыйфаты да сизелерлек кимеде. ЭСКБ килгән шикаятьләрне кабул итсә дә, берни дә үзгәрми”, — дип язганнар әлеге авыл кешеләре. Бу мөрәҗәгатьне дә “Инцидент” системасы теркәгән.
“Самойловка, Миньковка, Первомайский авылларын хезмәтләндерүче линиядә авария булды. Район электр челтәрләре хезмәткәрләре аны бетерү өстендә эшләде, аннары электр кабызылды. Тапшырыла торган электр энергиясенең сыйфатын билгеләү өчен район электр челтәрләренә мөрәҗәгать итегез һәм гариза языгыз”, — дип җаваплаган Мәләвез районы хакимияте башлыгы Рөстәм Шәмсетдинов.
Республиканың Сәнәгать, энергетика һәм инновацияләр министрлыгы исә түбәндәге җавапны җибәргән: “2020 елның мартыннан агымдагы елның мартына кадәр Самойловка, Миньковка, Первомайский торак пунктларын электр белән тәэмин итүдә 14 тапкыр өзеклек булды, шул исәптән 8е – авария сәбәпле, 6сы план буенча өзелү. Алар барлыгы 22 сәгать 54 минут дәвам итте, бу Русия Хөкүмәтенең 2004 елның 27 декабрендәге 861 санлы карары таләпләренә туры килә. Аңа ярашлы, электр энергиясен тапшыру ышанычлылыгының өченче категориясен кулланучылар өчен электр энергиясе төрле нигезләр буенча елына 72 сәгатьтән дә ким булмаган һәм рәттән 24 сәгатьтән дә артмаган вакытка туктатылырга мөмкин.
Югарыда күрсәтелгән торак пунктларны электр белән тәэмин итүнең ышанычлылыгын оешма гамәлдәге законнар таләпләренә ярашлы тәэмин итә. Шулай ук быел Первомайский торак пунктында трансформатор ярдәмче станциясенә һәм электр тапшыру линияләренә капиталь ремонт ясау планлаштырыла. Нәтиҗәләр турында сезгә өстәмә хәбәр итәрбез”.
“Миякә районында Миякәбаш авыл Советына караган Днепровка дигән авыл бар. Язгы ташу вакытында күпер аша су ташып чыккан һәм балчык өемен тотып торган торбаны юган. Шушыннан соң, халыкның авыл хакимиятенә мөрәҗәгать итүенә карамастан, күперне ремонтламадылар. Курка-курка гына йөрибез. Бүген көчле яңгыр явып үткәннән соң күпер тагын да ныграк җимерелде, авылдан башка чыгу юлы юк. Бөтен авыл исеменнән Сездән ярдәм итүегезне сорыйбыз”, — дип язган Евгений Миронов социаль челтәрләрдә.
Район хакимияте башлыгы урынбасары Раил Борһанов 3 июньдә Днепровка авылына барып, күперне караган. “Әлеге күпердән йөрергә мөмкин, шулай ук авылга башка юл да бар. Миякәбаш авыл хакимиятенә күперне ремонтлауга акча бүленде. Бу мәсьәләгә әйләнеп кайтачакбыз”, — дип язган Миякә районы хакимиятенең социаль челтәрләрдәге рәсми вәкиле Миләүшә Галиева. Соңрак аңардан су үткәрү торбасын һәм күперне ремонтлауны төгәлләдек, дигән җавап килгән.
Резеда ГАЛИКӘЕВА.
“Күп еллар җәфалаган проблеманы хәл итәргә ярдәм итегез, зинһар. Уфаның Королев урамында кышын да, җәен дә кешеләргә йөрергә урын юк. Тротуардан “стоянка” ясадылар. Кышын бигрәк тә авыр, тротуардан машиналар йөри, алар алга кинәт килеп чыга да, коляска белән кар өеменә сикерәсең, җәен дә шул ук хәл. Анда юллар да беркайчан да ремонтланмады...” — дип язган республика Башлыгының социаль челтәрләрдәге битендә Алина Хәмитова. Бу мөрәҗәгатьне “Инцидент” системасы эләктереп алган һәм хәл итү өчен тиешле ведомствога юллаган.
“Академик Королев урамы, 8 адресы буенча урнашкан территорияне тикшерделәр һәм бу участокта, машиналар үтеп кермәсен өчен, киртә куярга булдылар. Бу көннәрдә (май, июнь) торак-коммуналь хезмәтләр ихаталардагы чокырларны ремонтлау белән мәшгуль ( шул исәптән Королев урамы буенча да), шуңа күрә киртәләрне куюга соңрак керешәчәкләр”, — дип җавап биргән Уфаның Октябрь районы хакимияте башлыгының беренче урынбасары Раил Мирхәйдәров. Соңрак ул, әлеге адрес буенча урамда киртәләр (ярымсфералар) урнаштырылды, дигән җавап та җибәргән.
“Мәләвез районының Самойловка, Миньковка, Первомайский авылларында даими рәвештә ял һәм эш көннәрендә 6-7 сәгатькә электр энергиясен сүндерәләр. Янәсе, бу линиядәге аварияләргә бәйле, чынында исә шәхси торак төзелешенең яңа участокларына электр үткәрү өчен. Өстәвенә, электр энергиясенең сыйфаты да сизелерлек кимеде. ЭСКБ килгән шикаятьләрне кабул итсә дә, берни дә үзгәрми”, — дип язганнар әлеге авыл кешеләре. Бу мөрәҗәгатьне дә “Инцидент” системасы теркәгән.
“Самойловка, Миньковка, Первомайский авылларын хезмәтләндерүче линиядә авария булды. Район электр челтәрләре хезмәткәрләре аны бетерү өстендә эшләде, аннары электр кабызылды. Тапшырыла торган электр энергиясенең сыйфатын билгеләү өчен район электр челтәрләренә мөрәҗәгать итегез һәм гариза языгыз”, — дип җаваплаган Мәләвез районы хакимияте башлыгы Рөстәм Шәмсетдинов.
Республиканың Сәнәгать, энергетика һәм инновацияләр министрлыгы исә түбәндәге җавапны җибәргән: “2020 елның мартыннан агымдагы елның мартына кадәр Самойловка, Миньковка, Первомайский торак пунктларын электр белән тәэмин итүдә 14 тапкыр өзеклек булды, шул исәптән 8е – авария сәбәпле, 6сы план буенча өзелү. Алар барлыгы 22 сәгать 54 минут дәвам итте, бу Русия Хөкүмәтенең 2004 елның 27 декабрендәге 861 санлы карары таләпләренә туры килә. Аңа ярашлы, электр энергиясен тапшыру ышанычлылыгының өченче категориясен кулланучылар өчен электр энергиясе төрле нигезләр буенча елына 72 сәгатьтән дә ким булмаган һәм рәттән 24 сәгатьтән дә артмаган вакытка туктатылырга мөмкин.
Югарыда күрсәтелгән торак пунктларны электр белән тәэмин итүнең ышанычлылыгын оешма гамәлдәге законнар таләпләренә ярашлы тәэмин итә. Шулай ук быел Первомайский торак пунктында трансформатор ярдәмче станциясенә һәм электр тапшыру линияләренә капиталь ремонт ясау планлаштырыла. Нәтиҗәләр турында сезгә өстәмә хәбәр итәрбез”.
“Миякә районында Миякәбаш авыл Советына караган Днепровка дигән авыл бар. Язгы ташу вакытында күпер аша су ташып чыккан һәм балчык өемен тотып торган торбаны юган. Шушыннан соң, халыкның авыл хакимиятенә мөрәҗәгать итүенә карамастан, күперне ремонтламадылар. Курка-курка гына йөрибез. Бүген көчле яңгыр явып үткәннән соң күпер тагын да ныграк җимерелде, авылдан башка чыгу юлы юк. Бөтен авыл исеменнән Сездән ярдәм итүегезне сорыйбыз”, — дип язган Евгений Миронов социаль челтәрләрдә.
Район хакимияте башлыгы урынбасары Раил Борһанов 3 июньдә Днепровка авылына барып, күперне караган. “Әлеге күпердән йөрергә мөмкин, шулай ук авылга башка юл да бар. Миякәбаш авыл хакимиятенә күперне ремонтлауга акча бүленде. Бу мәсьәләгә әйләнеп кайтачакбыз”, — дип язган Миякә районы хакимиятенең социаль челтәрләрдәге рәсми вәкиле Миләүшә Галиева. Соңрак аңардан су үткәрү торбасын һәм күперне ремонтлауны төгәлләдек, дигән җавап килгән.
Резеда ГАЛИКӘЕВА.
Читайте нас:
© 2019-2024 “KizilTan” электрон басмасы элемтә, мәгълүмат технологияләре һәм киңкүләм коммуникацияләр өлкәсендә күзәтчелек буенча федераль хезмәт тарафыннан теркәлгән.
Теркәлү саны: 2019 елның 24 маендагы Эл сериясе № ФС 77-75682.
Басманың яшь категориясе 12+
___________________
Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)
Регистрационный номер: серия Эл № ФС 77-75682 от 24 мая 2019 г.
Возрастная категория издания 12+
Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.
____________________
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Баш мөхәррир Фаил Камил улы Фәтхетдинов.
Кабул итү бүлмәсе телефоны: 8 (347) 272-13-61.
___________________
Главный редактор: Фатхтдинов Фаил Камилович.
Телефон приемной: (347) 272-13-61.
Телефон
8(347)272-13-61
Электрон почта
kyzyltan@mail.ru
Адресы
450079, Уфа шәһәре, Октябрьнең 50 еллыгы урамы, 13 нче йорт
Реклама хезмәте
8(347)272-62-27
Хезмәттәшлек
8(347)272-62-27