#ЖЗЛ_Башкортостан рубрикасында - төзүчеләр

“Бүген минем #ЖЗЛ_Башкортостан рубрикасында - төзүчеләр. Бу безнең уңайлы йортларны һәм уңайлы имин юлларны төзүче кешеләр. Алар башкортстанлыларның гомерен саклап калучы дәваханәләр төзи һәм безнең балаларны укыта торган мәктәпләрне файдалануга тапшыра.

Тармак ветераны Юрий Георгиевич Тыщенконың хезмәтен аерым билгеләп үтәсем килә. Ярты гасыр диярлек гомерен ул "Востокнефтезаводмонтаж" предприятиесенә багышлаган, мастердан алып компаниянең Стәрлетамак филиалы директорына кадәр юл узган. Юрий Георгиевич катнашлыгында республикабызда һәм илнең башка күп кенә төбәкләрендә нефть-газ комплексының күп кенә объектлары төзелде.

Шулай ук ярты гасыр диярлек Мәфтүхә Әсфәндияр кызы Кунсбаева төзелеш тармагында машинист булып эшли. Иң югары дәрәҗәдәге һөнәр иясе, ул яшьләрне дә тәрбияли.

Валерий Геннадьевич Деев - республикада танылган сәнәгатьче, "Авиатрон" фәнни-җитештерү предприятиесе җитәкчесе. Валерий Геннадьевич нефть-газ тармагының эре объектлары төзелешенә зур өлеш кертте.

Күп еллар дәвамында Благовещен тимер-бетон эшләнмәләр заводын Евгений Геннадьевич Копытков җитәкләде. Авыр 90нчы елларда ул предприятиене саклап кала алды һәм аны тармак лидерлары исәбенә чыгарды.

30нчы төзелеш идарәсендә Вахит Зекер улы Әделмурдин - югары абруйга ия проходчик. Төзелештә ул катнашкан бик күп объектларны санап чыгарга мөмкин. Алар арасында - республика өчен әһәмиятлеләре бар. Мәсәлән, Йомагуҗа сусаклагычының куәтле плотинасын шулай ук Вахит Әделмурдин бригадасы төзегән.

Минем бу рубрикамда бүген йөзләрчә һәм хәтта меңнәрчә башка кешеләр дә булыр иде. Бездә көчле төзүчеләр командасы бар”, - дип яза Радий Хәбиров “Вконтакте”да.