-10 °С
Болытлы
Гәзиткә язылуVKOKTelegramЯRus
Барлык яңалыклар
Җәмгыять
27 август 2021, 10:25

Бәләбәйдә “Урындагы, сыйфатлы, үзебезнеке” ярминкәсе узды

26 августта Бәләбәй районы авыл хуҗалыгы товар җитештерүчеләре тарафыннан “Җырчы чишмәләр” паркы территориясендә ярминкә оештырылды, ул - республика Сәүдә-сәнәгать палатасының "Урындагы, сыйфатлы, үзебезнеке" проекты.

Бәләбәйдә “Урындагы, сыйфатлы, үзебезнеке” ярминкәсе узды
Бәләбәйдә “Урындагы, сыйфатлы, үзебезнеке” ярминкәсе узды

Ярминкәдә шәһәр һәм район халкына, кунакларга бәлешләр, икмәк, кулинария әйберләре, бал һәм бал продукциясе, ит ризыклары, шулай ук район территориясендә үстерелгән яшелчәләр тәкъдим ителде.

Чарада катнашкан җитештерүчеләр ярминкәне оештырган өчен рәхмәт сүзләре җиткерде, ул район предприятиеләренең мөмкинлекләрен, талантын, куәтен күрсәтә.

- Беләсезме, без дуслык, үзара аралашу традицияләрен оныта башладык, - дип хис-кичерешләре белән уртаклаша кунак, җәмәгать эшлеклесе Динар Гыйльметдинов. - Кайчандыр мондый әйберләр гадәти иде, ә хәзер без телефоннарда, эш-мәшәкатьләрдә югалып калдык. Һәм монда җыелган кешеләргә карап, мин аңлыйм, ниндидер элекке, яхшы, мәңгелек нәрсә бездә калган әле. Елмаю һәм дуслаша белү социаль челтәрләр һәм телевидение мәгълүматлары шау-шуы астында югалган. Һәм шундый акцияләр нәтиҗәсендә, озакка булмаса да, без элеккечә аралашабыз. Шуңа күрә мондый чаралар никадәр күбрәк оештырылса, безнең тормышыбыз шулкадәр якты һәм күңелле булачак.

Сәүдә палаткалары янында бушлай юридик ярдәм алырга мөмкин иде. Сәүдә рәтләрендә генә түгел, балалар мәйданчыкларында да бик җанлы булды. Биредә үк "Шәйморатов уеннары" дигән күңелле стартлар шау-шу һәм күңел ачу белән узды, шулай ук ГТО нормаларын тапшырдылар.

Фото: Бәләбәй районы хакимияте

Автор:Фануз Хабибуллин
Читайте нас в