Файдалы ял иттеләр!

Якшәмбе иртәсендә Салават Юлаев исемендәге үзәк мәдәният һәм ял паркы территориясе җанланган мәйданны хәтерләтә иде. Бирегә төрле яшьтәге кешеләр җыелды һәм барысына да бик күңелле чара табылды: аниматорлар балаларның күңел ачканда, алар белән төрле уеннар һәм конкурслар уздырганда, өлкәннәр фермерлар продукциясе белән азык-төлек запасын тулыландырды.

Тантаналар Ишморза авылында да үтте. Монда «Мәгариф» гомумдәүләт проектының «Һәр баланың уңышы» төбәк проекты кысаларында капиталь ремонтланган спорт залы ачылды. Бинада стеналарны тигезләгәннәр һәм штукатурлаганнар, идәннең яңа өслеге барлыкка килгән, яктырту челтәрләрен ремонтлаганнар, ишек блокларын алыштырганнар. Кыскасы, булачак чемпионнар өчен барлык шартлар да тудырылган.

"Баймак районында "Балалар спорты" проекты буенча федераль бюджеттан 2017 елдан башлап авыл мәктәпләрең алты спорт залы ремонтланды, - дип билгеләп үтте бәйрәмдә кунак, 7нче чакырылыш Дәүләт думасы депутаты Зариф Байгускаров. - Элек 1нче Төрекмән, Темәс, Югары Таулыкай, 1нче Эткол, Ярат, Акморын мәктәпләрнең спорт заллары ремонтланган һәм җиһазландырылган иде.

Проектның максаты - авыл мәктәпләрендә укучыларга спорт белән шөгыльләнү өчен шартлар тудыру. Без проектның максатка ирешелүен күрәбез, әлеге мәктәпләрдә укучылар өчен генә түгел, ә бу авылларның барлык халкына да спорт белән шөгыльләнү өчен барлык шартлар тудырылган”.
Танылган совет һәм Русия хирургы-офтальмологы Эрнст Мулдашевның килүе район халкы өчен күңелле бүләк булды. Ул гына да түгел, баймаклылар танылган табибка кабул итүгә языла алды.

Кич белән музыка сөючеләрне концерт программасы көтә иде, анда Zainetdin мультиинструменталисты һәм башкорт эстрадасының башка йолдызлары катнашты.

Фото: Баймак районы хакимияте сайтыннан.