Волонтерлар ярдәмгә ашыга

Өлкән яшьтәге хатын-кыз Хабаровск краеның Верхнебуреинск районының Яңа Ургал поселогында яши. Аның күз авыруы җитди. Ул илнең күп кенә медицина оешмаларына мөрәҗәгать иткән, күзләрнең микрохирургия клиникасында да дәваланган. Кызганычка каршы, аңа беркайда да ярдәм итә алмаганнар. Шуңа күрә ул Уфага Бөтенрусия күз һәм пластик хирургия үзәгенә табиб консультациясенә килергә булган. Юлда начар күрүче әбине 12 яшьлек оныгы Игнат озатып йөргән.
"Эрнст Мулдашевның уникаль уйлап табуы турында белгәч, язмышны сынап карарга булдым. Бәлки, ярдәм итәр, бәлки, юк та, тик, һәрхәлдә, бәхетне сынап карарга кирәк, дип уйладым. Күрү сәләтемне югалтасым килми – ул миңа оныгымны аякка бастыру өчен бик кирәк. Мин аны берүзем тәрбиялим, - ди Татьяна Рудакова. - Әлбәттә, мондый ерак арага – 4 мең километрга якын ерак юлга, билгесез шәһәргә бөтен ил аша бару куркыныч булды. Тик мин безне көткәнне белдем. Волонтерлар каршы алды, урнашырга ярдәм итте. Рәхмәт, алар игелекле эшләр башкаралар, Ходай аларга сәламәтлек бирсен!»
Волонтерлар Гүзәл Нуретдинова һәм Илдар Әбсалихов әлеге гаризага тиз арада җавап биргән. Илдар кунакханә таба һәм бронь ала, әбине оныгы белән каршы алалар һәм урнашырга булышалар, аннан соң аларны төшке ашка алып бара.
Илдар Әбсалихов чагыштырмача күптән түгел волонтер булган, ә Гүзәл Нуретдинова пандемиянең беренче көннәреннән үк актив рәвештә ирекле эшчәнлек алып бара.
"Бердәм волонтерлык штабының колл-үзәгенә гадәти булмаган заявка керде. Аңа Илдар белән бергә мөрәҗәгать иттек. Ул кунакханәне броньлады, яшәү өчен түләде. Хатын-кызга, чыннан да, озатып баруда ярдәм кирәк иде. Ул күрү буенча инвалид булып тора. Өстәвенә, поездда биш тәүлек барган идем, аның хәрәкәтләре начар координацияләнде. Без аның белән телефон номерлары алыштык, Уфада булганда, булдыра алганның барысын да эшләргә тырышачакмын», – диде Гүзәл Нуретдинова.
Бердәм волонтерлык штабына эш көннәрендә 9дан 18 сәгатькә кадәр 8-800-289-03 номеры буенча бушлай шалтыратырга мөмкин.

Фото: bashkortostan.er.ru