-7 °С
Болытлы
Гәзиткә язылуVKOKTikTokINSTAGRAM
Барлык яңалыклар
Җәмгыять
11 сентябрь 2021, 16:05

Башкортстанда авыл хуҗалыгы ярминкәләре дәвам итә

Иглин районында авыл хуҗалыгы продукциясе ярминкәсе һәм Башкортстанның танылган артистлары катнашында бәйрәм концерты булды.

Башкортстанда авыл хуҗалыгы ярминкәләре дәвам итә

Чарада Башкортстан Башлыгы Хакимияте җитәкчесе Александр Сидякин, Премьер-министр урынбасары - сәламәтлек саклау министры Максим Забелин, Дәүләт җыелышы - Корылтай Рәисе урынбасары Эльвира Аеткулова, Русия Дәүләт думасы депутаты, 13 тапкыр паралимпия чемпионы Рима Баталова, Иглин районы хакимияте башлыгы Гүзәл Насыйрова катнаштылар.

Җитәкчеләр сәүдә рәтләрен йөреп чыктылар, продукциягә бәяләр белән таныштылар һәм килүчеләр белән аралаштылар.

- Үзебезнең сыйфатлы продукцияне яхшы сата белмибез, яхшы сатарга өйрәнсәк, тизрәк үсәчәкбез. Базарда үзләрен уңайлы хис итә торган кече һәм урта бизнесның бик күп булуы бик шатлыклы, - дип билгеләде Александр Сидякин.

Ул шулай ук Иглин районының социаль-икътисади үсеше буенча 2024 елга кадәр юл картасына кул куелуы турында хәбәр итте.

Гүзәл Насыйрова кунакларга 2022 елда "Бердәм Русия" партиясенең "Уңайлы заманча шәһәр мохите" проектын гамәлгә ашыру кысаларында Елена Иглина исемендәге паркны реконструкцияләү планлаштырылуы турында сөйләде. Проектның бәясе - 87,5 миллион сум.

Кичә республиканың танылган артистлары, шулай ук Башкортстанның атказанган артисты Зәйнетдин чыгыш ясаган концерт белән тәмамланды.

Максим Забелин район хакимияте башлыгына Иглин Үзәк район дәваханәсенә ике ашыгыч медицина ярдәме машинасын алу өчен сертификатлар тапшырды.

Фото: Иглин районы хакимияте

Автор:Фануз Хабибуллин