Барлык яңалыклар
Җәмгыять
15 сентябрь , 22:35

Уфада "Бердәм Русия" митинг-концерты узды

"Моторостроитель" мәдәният йорты каршында сәхнәдә "Бердәм Русия" төбәк бүлеге тарафыннан оештырылган митинг-концерт узды. “Бердәм Русия” партиясенең төбәк бүлеге җитәкчесе Радий Хәбиров уфалыларга катлаулы чорда ярдәм итүләре өчен рәхмәт белдерде.

Уфада "Бердәм Русия" митинг-концерты узды

- Без сезнең белән бик катлаулы вакытта яшибез: әле коронавирус белән көрәшәбез, әле катлаулы социаль-икътисади проблемаларны хәл итәбез. Ләкин мин шуны әйтергә телим: бу юлны сезнең белән бергә узабыз, ярдәм итәбез һәм бер-беребезгә ышанабыз. Моның өчен сезгә бик зур рәхмәт. Мин сезгә ныклы сәламәтлек, тынычлык, йортыгызга игелек һәм иминлек телим. Алга, Уфа! - диде Радий Хәбиров.

Шулай ук шәһәр халкын "Хабиров командасы" вәкилләре Эльвира Аеткулова, Павел Качкаев, Рөстәм Әхмәдинуров һәм Рафаэль Мәрданшин сәламләде.

Уфалылар өчен башкорт эстрадасы йолдызлары, концертның хедлайнеры - тамашачылар яраткан Элвин Грей чыгыш ясады.

Фото: "Башинформ"

Автор:Фануз Хабибуллин