-14 °С
Болытлы
Гәзиткә язылуVKOKTikTokINSTAGRAM
Барлык яңалыклар
Җәмгыять
8 октябрь 2021, 15:45

Күпфункцияле үзәк ярдәм итәчәк

Аскын һәм Ярмәкәй районнары хакимиятләре кече һәм урта эшкуарлык субъектларын субсидияләүгә гаризалар кабул итүне игълан итә.

Күпфункцияле үзәк ярдәм итәчәк
Түбәндәге төрләр буенча финанс ярдәмен рәсмиләштерүгә документларны Аскын һәм Ярмәкәй авылларында Күпфункцияле үзәкләр (КФҮ) офисларында тапшырырга мөмкин:
- бинаны, аларның өлешләрен яки җир участогын арендалау һәм коммуналь хезмәт күрсәтүләр өчен түләү чыгымнарының бер өлешен каплау;
- инженерлык инфраструктурасын тоташтыруга бәйле чыгымнарның бер өлешен каплау;
- Русия лизинг оешмалары белән төзелгән лизинг килешүе буенча беренчел кертемне һәм лизинг түләү чыгымнарының бер өлешен каплау;
- Русия кредит оешмасында инвестиция максатларына төзелгән кредит килешүе буенча процент ставкасын түләү буенча чыгымнар өлешен каплау;
- җиһазлар сатып алуга киткән чыгымнарның бер өлешен каплау;
- продукция җитештерү өчен кирәкле чимал, чыгым материаллары сатып алуга киткән чыгымнарның бер өлешен каплау.

- КФҮ кирәкле документлар пакеты буенча консультация бирә һәм субсидияләүгә гаризалар кабул итә. Түләүләрне билгеләү турындагы карарны турыдан-туры муниципаль районы хакимияте кабул итә. Шунысын да билгеләп үтәргә кирәк, төрле максатлар өчен документлар пакеты аерылып тора, аның белән КФҮ сайтында, контакт-үзәк телефоны аша яки якындагы офиска шәхси мөрәҗәгать иткәндә танышырга мөмкин, - диде Башкортостанның Күпфункцияле үзәге директоры Наталья Куприянова.

Аскын һәм Ярмәкәй авылларында КФҮ бүлекчәләрендә гаризалар кабул итү 8 октябрьдән башлана һәм 2021 елның 6 ноябренә кадәр дәвам итәчәк.

Фото: pravitelstvorb.ru


Автор:Резеда Галикәева