Барлык яңалыклар
Җәмгыять
19 ноябрь 2021, 11:33

Сукбайлармы соң алар?..

Аларның шәхесләре ачыклана.

Сукбайлармы соң алар?..

Уфада торак йортта янгын вакытында ике кеше һәлак булган. Вакыйга узган төндә, 19 ноябрьдә булган. Ашыгыч ведомствоның диспетчеры пультына чакыру 1:11 сәгатьтә кергән.

Ирек урамындагы бер катлы бүрәнә йортның торак булмаган бүлмәсендә чүп-чар януы турында хәбәр ителгән.

- Торактан мөстәкыйль рәвештә ике кеше эвакуацияләнгән, алар зыян күрмәгән, - дип сөйләделәр Гадәттән тыш хәлләр министрлыгының Башкортстан буенча Баш идарәсендә.

Янгын 1:23 сәгатьтә үк сүндерелгән. 40 минуттан соң коткаручылар вакыйга урынын тикшергәндә ике ир-атның үле гәүдәләрен тапкан - фаразланганча, алар сукбай булган. Һәлак булганнарның шәхесләре билгеләнә.

Янгын сәбәпләрен тикшерү-оператив төркем һәм Гадәттән тыш хәлләр министрлыгы сорау алучысы тикшерә.

Фото: ufa.kp.ru

Автор:Гөлия Мөгаллимова