Барлык яңалыклар
Җәмгыять
23 ноябрь , 17:35

«Безнең кайгырту» волонтерлары мохтаҗларга төшке аш китерә

Уфада “Бердәм Русия” партиясенең “Безнең кайгырту” колл-үзәгенә көн саен гражданнардан 300дән артык шалтырату керә. Республика халкы еш кына вакциналау, азык-төлек, дарулар китерү мәсьәләләре белән мөрәҗәгать итә. "Кайнар төшке аш" акциясе старт алганнан соң, бу юнәлеш буенча да заявкалар ешайган.

«Безнең кайгырту» волонтерлары мохтаҗларга төшке аш китерә

Уфа шәһәр округы Советы рәисенең беренче урынбасары, “Бердәм Русия” төбәк башкарма комитеты җитәкчесе урынбасары Александр Мельников әлеге акциянең мөһимлеген билгеләп үтте.

- “Кайнар төшке аш” акциясе кысаларында 600дән артык гаилә һәм мохтаҗлар волонтерлар ярдәмендә өйләренә кайнар аш алды, - диде Александр Мельников.

Әлеге акция "Фарфор" рестораны белән берлектә гамәлгә ашырыла. Волонтерлар үзәгенә төшке ашлар китергәч, аларны волонтерлар формалаштыра һәм адреслар буенча илтәләр. Активисткаларның берсе - Гүзәл Нуретдинова. Ул көн саен шәхси транспортта 10-15 адрес буенча кайнар төшке аш китерә.

Фото: "Бердәм Русия"

Автор:Фануз Хабибуллин