+24 °С
Болытлы
Гәзиткә язылуVKOKTelegramЯRus
Барлык яңалыклар
Җәмгыять
4 декабрь 2021, 10:10

Биш тапкыр күбрәк штраф салдылар

— Кибеттә кассада товар өчен акча түләргә оныттым. Дөресрәге, барысы өчен дә түләдем, ә сатучылар минем пакетка салган ит кисәген (ә кассир бу пакетны өстәмә рәвештә тагын бер пакет эченә салды) кассир исәпләмәгән, мин дә сизмәдем. Бер атнадан бу кибеткә килдем һәм миңа бу ит хакыннан 5 тапкыр күбрәк штраф түләргә куштылар, югыйсә, алар полициягә гариза язачак, янәсе, мин аны урлаганмын икән. Видеокүзәтү камералары язмасын күрсәттеләр. Мин дулкынландым һәм барысын да түләдем. Ә хәзер алар мине штрафка тарттырырга хокуклы булмаганнардыр дип уйлыйм. Мин бит товар өчен түләүдән баш тартмадым. Моны кассир гаебе дип саныйм, бу — аның игътибарсызлыгы. Мин хаклымы?

Биш тапкыр күбрәк штраф салдылар
Биш тапкыр күбрәк штраф салдылар

— Әйе, сез хаклы — кассадагы хезмәткәр сатып алучының нинди товарлары булуын игътибар белән тикшерергә тиеш иде, чөнки сез бит итне яшермәгәнсез. Кибет җитәкчесенә акчаны кайтару таләбе белән шикаять языгыз. Әгәр баш тартса, прокуратурага шикаять бирегез.

Тагы да шунысы: кибет хезмәткәрләре сезгә штраф сала алмый. Сезгә квитанция бирделәрме, әллә чекмы? Шунысы кызык, алар бу акчаны ничек (акт беләнме?) уздырды икән? Бу законлы түгел. Сез шикаять белән “Роспотребнадзор”га мөрәҗәгать итәргә һәм тикшерү үткәрүне сорарга хокуклы. Өстәвенә, кассир үзе товарны өстәмә рәвештә төргән, ә чек чыгармаган, Сез берни дә урламагансыз. Бу момент видеода шулай ук бардыр.

Сез кибеткә барып, акчагызны кире кайтаруны таләп итә аласыз, шунда ук “Роспот­реб­надзор”га шикаять һәм полициягә сезне куркытып акча даулауларына зарланып гариза белән мөрәҗәгать итәргә җыенуыгызны белдерегез.

Автор:Резеда Галикәева
Читайте нас в