Кыйгыда туризм үсешә!

"Бездә аларның федераль, республика дәрәҗәсендәгеләре бар, алар уйланылган һәм яхшы эшли, - ди ул. - Бизнес-шерифлар институты ныгый. Алар турында Кыйгы районыннан эшкуар Фидан Минһаҗев үрнәгендә сөйләмәкчемен.

Фидан Динар улы җитәкчелегендәге "Скала Разбойник" туристик базасы әкияти матур урында - Колмәт авылыннан ерак түгел, Әй елгасы ярында урнашкан. Елганың уң як ярында - кунакханә һәм кафе, сул якта - кунак йорты, мунча, баулар паркы, мангал, палаткалар һәм ял мәйданчыклары. Турбаза персоналы 15 кешедән тора.

Турбазада Еланлы приюты балалары һәм мәктәп укучылары өчен хәйрия экскурсияләре еш уздырыла. Көн буена алар уйный, ярышларда катнаша, тау мәгарәсе легендаларын һәм тарихын өйрәнәләр.

Фидан Минһаҗев Башкортстан Республикасының Туризм буенча дәүләт комитеты һәм "Ростуризм" грантларында катнаша. Үткән елда ул - республика бюджетыннан 150 мең сум күләмендә субсидия, быел исә җиһаз сатып алу өчен тагын 224 мең сум акчаны Кыйгы районы бюджетыннан субсидия рәвешендә алды. Белгечләр эшкуарга документлар рәсмиләштергәндә ярдәм итте һәм даими рәвештә консультацияләр биреп торды.

Мондый зур булмаган, әмма кызыклы проектлар безнең республикага бик кирәк. Аеруча туризм өлкәсендә, чөнки аның потенциалы зур һәм ул ахырына кадәр тормышка ашырылмаган. Кыйгы районында узган чираттагы «Эшкуарлык сәгате»ндә Фидан Динар улының гамәлдә булган турбазаны киңәйтү, аерым алганда, барлык уңайлыклары булган ике глэмпинг төзү тәкъдимен каралды. Планлаштырылган инвестицияләр күләме - өч миллион сум.

Хәзер инде анда туристлар өчен уңайлы тагын ике йорт төзелә, аны киләсе сезонга тәмамларга планлаштыралар. Шулай ук турбаза җитәкчесенең туган як тарихы, көнкүреше, мәдәнияте турында музей ачу уе да бар.

Шунысын да билгеләп үтәргә кирәк, Фидан Минһаҗев безнең «Глэмпинг академиясе»ндә туризмны оештыру буенча укыган, димәк, проектның үсеш векторлары уйланылган һәм отышлы.

Барлык ярдәм чаралары монда: https://investrb.ru/ru

Фото: "ВКонтакте"