Волонтерлар эшчәнлегенә барлык муниципалитетлар да кушылды

“Безнең кайгырту" колл-үзәкләрендә дә көчәйтелгән режимда эшлиләр. Республика халкы нигездә дарулар һәм продуктлар китерү мәсьәләләре белән мөрәҗәгать итә, өлкән яшьтәге кешеләр поликлиникага алып барырга, ишегалды һәм түбәләрдән кар алырга ярдәм итүләрен сорый. Волонтерларга медицина оешмалары хезмәткәрләре дә мөрәҗәгать итә.

Краснокама районының “Безнең кайгырту” штабы волонтерлары табибларга ярдәм күрсәтүне дәвам итә. Волонтерлар дәваханәләрдә термометрия үткәрәләр, керү фильтрын исәпкә алып баралар.

"Термометрия югары температуралы кешеләрне ачыкларга, потенциаль авыруларны башка керү юлы аша җибәрергә һәм аларның сәламәт кешеләр белән очрашуын булдырмый калырга ярдәм итә", - дип уртаклаша волонтер Регина Баянова.

Бүгенге көндә “Бердәм Русия”нең “Безнең кайгырту”ның 63 волонтерлык штабында гражданнардан шалтыратулар кабул ителә. Пандемия башланганнан бирле колл-үзәкләр тарафыннан 116 меңнән артык мөрәҗәгать кабул ителгән. «Безнең кайгырту» волонтерлык үзәге эшендә барлык эш вакытында 8 меңнән артык волонтер катнашты, шул исәптән 2 меңгә якын автоволонтер, шуларның 3,5 меңнән артыгы актив катнаша. Хәзерге вакытта волонтерлык эшчәнлегендә 4 мең 200 волонтер эшли, шул исәптән 980 автоволонтер.

Фото: "Бердәм Русия"