+9 °С
Болытлы
Барлык яңалыклар
10
Җәмгыять
4 март 2022, 20:25
Дөнья терәге – хатын-кыз
Бүген Кырмыскалы районы Мәдәният сараенда 8 Март – Халыкара хатын-кызлар көненә багышланган бәйрәм чарасы узды.
Дөнья терәге – хатын-кыз
Бу көнне район Мәдәният сарае илаһи көчкә ия гүзәллек дөньясын хәтерләтте. Бирегә районыбызның үсешенә зур өлеш керткән, эш-гамәлләре белән районыбыз данын күтәргән иң актив хатын-кызлар чакырылды.
Тамаша залына үткәнче тантана сәбәпчеләре районыбызда яшәп иҗат итүчеләрнең кул эшләре белән танышты, осталык дәресләрендә катнашты.
- Яшәешебезнең бизәге булган хатын-кызларыбыз бәйрәме якынлашкан күңелле бер мизгелдә һәр ел саен барлык җиһан җанлана, табигатьтә яз сулышы бөркелә. Әйтерсең, асыл затларыбыз күңеленнән сирпелгән җылылык ак карларны эретә, сихри дөньяга сафлык, наз, ямь өсти, - дип башлады чыгышын район башлыгы Әлфир Сабиров һәм, залда утыручы гүзәл затларга иң изге теләкләрен җиткереп, төрле тармакларда намуслы хезмәт куючыларга Рәхмәт хатлары тапшырды.
Шулай да, хатын-кызның бөтен матурлыгы, бөтен күрке – ана булуда. Кырмыскалы районындагы меңнән артык гаилә күпбалалы статусына ия, биш һәм аннан да күбрәк бала тәрбияләүче 160 хатын-кыз “Ана даны” медале белән бүләкләнгән. Алар арасында иңнәренә зур бурыч йөкләгән - инвалид балалар тәрбияләүче һәм ятим сабыйларны үз канатлары астына алган гаиләләр дә бихисап. Бүгенге чарада Әлфир Фәрхәт улы аларны сәхнәгә чакырып тәбрик итте. Шулай ук хәрби хәрәкәтләрдә һәлак булган ир-егетәребезнең аналары да игътибар үзәгендә, алар бер генә чарадан да читә калмый.
Чара барышында “Аек авыл” республика конкурсының район этабында җиңүчеләргә дә дипломнар һәм сертификатлар тапшырылды. Район Мәдәният сарае артистлары һәм үзешчән коллективларның чыгышлары хатын-кызларның гүзәллегенә мәдхия булып яңгырады.
Бүгенге чарада утыручыларның күңелендә җылы хисләр белән бергә моңсулык та бар иде. Соңгы сәяси вакыйгалар, шул исәптән Украинадагы махсус операция барыбызны да киеренкелектә тота. Әлеге хәрби вакыйгаларда катнашучы егетләребез дә туган йортларына исән-имин кайтып керсен, дөньяда тынычлык тантана итсен – барлык аналарның теләге шул!
Фото: Эльвира Ямалетдинова.
Тамаша залына үткәнче тантана сәбәпчеләре районыбызда яшәп иҗат итүчеләрнең кул эшләре белән танышты, осталык дәресләрендә катнашты.
- Яшәешебезнең бизәге булган хатын-кызларыбыз бәйрәме якынлашкан күңелле бер мизгелдә һәр ел саен барлык җиһан җанлана, табигатьтә яз сулышы бөркелә. Әйтерсең, асыл затларыбыз күңеленнән сирпелгән җылылык ак карларны эретә, сихри дөньяга сафлык, наз, ямь өсти, - дип башлады чыгышын район башлыгы Әлфир Сабиров һәм, залда утыручы гүзәл затларга иң изге теләкләрен җиткереп, төрле тармакларда намуслы хезмәт куючыларга Рәхмәт хатлары тапшырды.
Шулай да, хатын-кызның бөтен матурлыгы, бөтен күрке – ана булуда. Кырмыскалы районындагы меңнән артык гаилә күпбалалы статусына ия, биш һәм аннан да күбрәк бала тәрбияләүче 160 хатын-кыз “Ана даны” медале белән бүләкләнгән. Алар арасында иңнәренә зур бурыч йөкләгән - инвалид балалар тәрбияләүче һәм ятим сабыйларны үз канатлары астына алган гаиләләр дә бихисап. Бүгенге чарада Әлфир Фәрхәт улы аларны сәхнәгә чакырып тәбрик итте. Шулай ук хәрби хәрәкәтләрдә һәлак булган ир-егетәребезнең аналары да игътибар үзәгендә, алар бер генә чарадан да читә калмый.
Чара барышында “Аек авыл” республика конкурсының район этабында җиңүчеләргә дә дипломнар һәм сертификатлар тапшырылды. Район Мәдәният сарае артистлары һәм үзешчән коллективларның чыгышлары хатын-кызларның гүзәллегенә мәдхия булып яңгырады.
Бүгенге чарада утыручыларның күңелендә җылы хисләр белән бергә моңсулык та бар иде. Соңгы сәяси вакыйгалар, шул исәптән Украинадагы махсус операция барыбызны да киеренкелектә тота. Әлеге хәрби вакыйгаларда катнашучы егетләребез дә туган йортларына исән-имин кайтып керсен, дөньяда тынычлык тантана итсен – барлык аналарның теләге шул!
Фото: Эльвира Ямалетдинова.
Читайте нас: