Гәзитләргә язылган өчен — ноутбук!

Җиңүчегә бүләк тапшырырга вакытлы матбугатны тарату бүлеге җитәкчесе Павел Быков килгән иде.

- Сезнең район халкының район һәм республика басмаларына актив язылуы һәм конкурсларда катнашуы күңелле. Хәзерге вакытта дөрес һәм ачык мәгълүмат басыла торган чыганакларга ия булу мөһим, - дип билгеләп үтте Павел Быков.

Алинә Баһаветдинова район хакимиятендә архив бүлегенең әйдәүче архивариусы булып эшли. Ул, һөнәри бәйрәмгә бүләк алу күңелле булды, дип белдерде, чөнки 10 мартта Русиядә Архивлар көне билгеләп үтелде.

– Ә җиңүче булуым турындагы яңалык миңа туган көн алдыннан килде. Көтмәгәндә икеләтә шатлык булды, — Алинә Әлфрит кызы.

Ул шулай ук гәзитләр укырга яратуы турында сөйләде. Әнисе Валентина Мостаева гомере буе Кырмыскалы типографиясендә башта - хәреф җыючы, аннары гәзит басучы булып эшләгән.

- Без типографиядән ерак түгел яшәдек, балачакта әнием янына эшкә йөгердем. Моннан тыш, хәзер минем һөнәрем дә мәгълүмат белән бәйле. Безнең архивта бик күп документлар саклана, шулай ук 1930 елдан башлап район гәзитенең барлык чыгарылышлары да. Басманың нөсхәләренә ихтыяҗ бик зур. Безгә даими рәвештә район гәзите битләрендә кызыксындырган мәгълүматны табу өчен тикшеренүчеләр һәм гади гражданнар килә. Хәзер без архивта район гәзитен санлаштыру эшен башладык. Тиздән ул безнең барыбыз өчен дә порталда булачак, - дип сөйләде Алинә.