+20 °С
Болытлы
Җәмгыять
12 июнь 2022, 07:41
Игорь Комаров Русия көне белән котлады
Русия Президентының Идел буе федераль округындагы Тулы вәкаләтле вәкиле Игорь Комаров Русия көне белән котлады. Анда болай диелә:
"Хөрмәтле Идел буе федераль округы халкы, сезне Русия көне белән котлыйм!
Бу бәйрәм - милли бердәмлек, ватанпәрвәрлек һәм Ватанга хөрмәт символы.
Без искиткеч илдә яшибез: гаҗәеп кешеләр, уникаль тарих, бай мәдәният, төрле табигать ресурслары һәм көчле фәнни-техник потенциал.
Безнең илдә дә, биредә дә, Идел буе төбәкләрендә дә, төрле милләт һәм дин вәкилләре яши. Һәм бу күптөрлелектә - безнең көч. Безнең барыбызның да Ватаны бер - Русия, кыю, көчле һәм игелекле кешеләре булган зур, матур ил. Безнең һәрберебез бөек җиңүләр, каһарманнар һәм традицияләр белән горурлана.
Без үзебезнең данлы үткәнебезне хөрмәт итәбез һәм лаеклы киләчәк төзибез. Русиянең үсеше үзебездән тора.
Хезмәт һәм бердәмлек өчен Идел буе федераль округы халкына ихлас рәхмәтемне җиткерәм. Сезгә һәм якыннарыгызга сәламәтлек, иминлек, Ватаныбыз иминлеге хакына барлык башлангычларыгызда уңышлар телим!"
