+20 °С
Болытлы
Җәмгыять
30 июнь 2022, 13:40
Кызынырга барабызмы?
Республикада быел 137 пляж эшләргә тиеш. Ләкин ял итүчеләр булмау сәбәпле, кайберләрен хуҗалары ачмый тора.
Уфада 11 комлык ачылган, аларның 2се – “Теплое” күлендә: “Райский берег” һәм “Гольфстрим”. 29 июньдә, Хөкүмәт премьер-министры урынбасары Ирек Сәгыйтов җитәкчелегендә әлеге күлдә рейд үтте.
“Тикшерү барышында тәү чиратта авария-коткару чаралары, аларның төзек булуы исәпкә алынды. Пляжда кизү торучы коткаручыларның һөнәри әзерлеге дә мөһим роль уйный”, – диде Ирек Сәгыйтов.
Коткаручылар исә судагы хәвефсезлек кагыйдәләрен тагын бер искә төшерәләр:
– махсус җиһазландырылган һәм рөхсәт ителгән урыннарда гына су керегез;
– ярдан еракка йөзмәгез;
– исерек хәлдә суга кермәгез;
– салкын суда озак тормагыз;
– сулыклар янында балаларны караучысыз калдырмагыз!
Хәвефле вакыйга шаһиты булсагыз, “112” телефонына хәбәр итегез. Үзегезне һәм якыннарыгызны саклагыз, диләр алар.
Рәсми мәгълүматлар буенча, 2022 елда республика сулыкларында 11 кешенең гомере өзелгән...
