+20 °С
Болытлы
Җәмгыять
20 июль 2022, 06:45
"Башкортстан Республикасының хезмәт елъязмасы"
Башкортстан Хөкүмәте Премьер-министры Андрей Назаров социаль челтәрләрдә пост урнаштырган.
"Башкортстан Республикасының хезмәт елъязмасы"
“Бу ел Башкортстанда һөнәри белем бирүне модернизацияләү, лаеклы хезмәт шартлары һәм хезмәт династияләре елы дип игълан ителде.
Без колледжларның укыту-җитештерү базаларын яңартуны дәвам итәбез. Быел республиканың 6 мәгариф оешмасында заманча җиһазлар белән җиһазландырылган 12 остаханә булдырыла.
Моннан тыш, Русия Хөкүмәте колледжлар яки югары уку йортлары составына керүче мәктәпләрдә эшләүче класс җитәкчеләренә түләүгә төбәкләргә 680 миллион сум акча бүлеп бирәчәк, айлык акчалата түләү 5 мең сум тәшкил итәчәк. Бу гадел - педагоглар үз көчләрен һәм күңелен үсеп килүче буынга кертәләр. Башкортстан Мәгариф һәм фән министрлыгына бу мәсьәләне җентекләп өйрәнергә һәм башлангычны гамәлгә ашыруны контрольдә тоту йөкләтелде.
Республикада аерым хезмәт династияләрен аерып күрсәттек, традицияләрне саклау һәм аларның дәвамлылыгы, сайлап алынган һөнәргә хөрмәт белән карау үрнәге буларак. Андыйлар бездә күп: 2019 елда "Башкортостан Республикасының хезмәт елъязмасы" конкурсында 16 муниципаль берәмлектән 36 династия һәм 5 һөнәри эшчәнлек өлкәсе катнашты.
Быел конкурсны тагын да киңрәк колач белән уздырабыз - 12 тармак буенча: агросәнәгать комплексы, сәламәтлек саклау, торак-коммуналь хуҗалык, мәдәният, сәүдә һәм башкалар.
Җиңүчеләрне 3 номинация буенча билгелиләр: «Нәтиҗәле эш өчен», «Буыннарның дәвамчанлыгы өчен», «Өлкән династия».
Финанс бүләкләү каралган; нәтиҗәләрне Республика көнен бәйрәм итүдә игълан итәбез.
Ттеләге булган барлык гаиләләр дә катнаша ала - кушылыгыз! Гариза бирү өчен түбәндәгеләр мөмкин:
Республиканың Гаилә, хезмәт һәм халыкны социаль яклау министрлыгына 8 (347) 218-06-55 телефоны аша мөрәҗәгать итәргә яки Agafonova.AR@bashkortostan.ru электрон почтасына язарга.
Сез гаиләләрдә хезмәт традицияләрен торгызу, саклап калу һәм үстерү буенча лаеклы үрнәк була аласыз!”, - дип яза Андрей Назаров.
Фото: vk.com/agnazarov
