+21 °С
Болытлы
Җәмгыять
21 июль 2022, 08:40
Радий Хәбиров: "Иң мөһиме - матурлыкны сакласыннар"
"Асылда, һәр очрашуда халык төзекләндерү темасын күтәрә. Шул ук вакытта эре шәһәр яки кечкенә авылмы ул, аерма юк. Башкортстанда яхшы, каралган ишегалларына һәм мәйданчыкларга ихтыяҗ зур" - дип яза социаль челтәрләрдәге сәхифәсендә Республика Башлыгы.
Радий Хәбиров: "Иң мөһиме - матурлыкны сакласыннар"
Фотода Уфадагы Карл Маркс урамы, 9/1 адресы буенча урнашкан ишегалды. "Башкортстан ихаталары" программасы буенча быел беренче булып төзекләндерелгән. Әле 199ында, барлык шәһәрләрдә һәм 8 авыл районында, эшләр кызганнан-кыза бара. Республика буенча уртача алганда, без аларны 45 процентка үтәдек. Быел ук мәйданчыкларда уйнасыннар һәм спорт белән шөгыльләнсеннәр өчен барысын да елның җылы вакытында тәмамларга тырышабыз.
«Башкортстан ихаталары» программасы – безнең халык өчен иң кирәкле программаларның берсе. Шуны аңлап, без 2022 елда аңа 1 миллиард сум бүлеп бирдек - 2021 елга караганда 300 миллион сумга күбрәк. 2022 елның үзенчәлеге - масштаблы проектлар. 2019-20 елларда «Башкортстан ихаталары» программасын, нигездә, зур булмаган компактлы ишегалларында тормышка ашырсалар, хәзер ул тулы бер кварталларны колачлый. Асылда, без мини-парклар – төрле яшьтәге кешеләр өчен ял итү зоналары булган матур, уңайлы урыннар төзибез. Халык нәтиҗәләрне яхшы кабул итә, гәрчә нәрсә булса да ошамаса, алар шунда ук бу хакта яза. Иң мөһиме, соңыннан бөтен матурлыкны сакласыннар, ватмасыннар. Алга барабыз", - дип яза Радий Хәбиров.
Фото: Вконтакте.
