Игътибар! Янгыннардан сак булыгыз!

Бу хакта ЦУР белән туры бәйләнештә БСТ каналындагы «Сәлам» программасына туры эфирда Башкортстанның Гадәттән тыш хәлләр буенча дәүләт комитеты хезмәткәре Альбина Вәлиева сөйләде.

Быел янгын хәвефе чоры башланганнан бирле 45 урман янгыны теркәлгән, бу, узган елдагыга караганда, 250гә кимрәк. Урман янгыннары мәйданы да 23 тапкыр кимегән.

Моңа һава торышы да, профилактик чаралар комплексы да, янгын чыганакларын билгеләү өчен иң яңа системалар кертү дә йогынты ясады. Система узган елда үзенең нәтиҗәлелеген раслады. Ул чакта Бөрҗән һәм Белорет районнарында урман янгыннары башланганда ук кертелгән.

Урман янгыннары кимесен яисә бөтенләй булмасын өчен нишләргә?
- урманда яисә торфяникта (хәтта сулыклар янында да) учак якмагыз;
- урман янындагы басуларда яисә аланнарда коры үлән яндырмагыз;
- сүндерелмәгән шырпы, яки тәмәкене ташламагыз;
- автомобиль һәм мотоциклларда урманга кермәгез;
- урманда янучы матдәләр белән тулган промысел саытларны, шешә яисә пыяла ватыкларын калдырмагыз!

Кагыйдәләрне үтәгез, урманны саклагыз! Ә янгын яисә башка гадәттән тыш хәл килеп чыкса, "112" телефоны буенча ашыгыч хезмәтләрне чакыртуның бердәм номерына шалтыратыгыз.