Бүген, 30 августта, Теплое күлендә кызның үле гәүдәсен тапканнар. Бу хакта Уфаның Гражданнарны яклау идарәсе хәбәр итә.
Шаһитлар бердәм диспетчерлыкка күлдә кеше мәете табуын хәбәр иткән. Бирегә килгән коткаручылар хатын-кызның гәүдәсен алып чыккан. Арытаба ачыкланганча, аңа 27 яшь булган. Беренчел мәгълүматлар буенча, кыз өлешчә генә киенгән.
Хәзер белгечләр бу хәлнең сәбәпләрен ачыклый. Алар билгеләп үтүенчә, күлнең бу урыны су коену өчен җиһазландырылмаган.
Фото: Башинформ