+21 °С
Болытлы
Җәмгыять
2 сентябрь 2022, 13:45
Без террорчылыкка каршы
2 сентябрьдә «Торатау» конгресс-холлында Башкортстан Хөкүмәте Премьер-министрының беренче урынбасары Азат Бадранов катнашында «Яңа геосәяси чакырулар шартларында экстремизмга һәм террорчылыкка каршы көрәш» темасына түгәрәк өстәл узды.
Без террорчылыкка каршы
Чара ел саен 3 сентябрьдә Бесландагы фаҗигале вакыйгалар истәлегенә билгеләп үтелә торган террорчылыкка каршы көрәштә бердәмлек көненә багышлана.
Чара башланганчы анда катнашучылар студентлар белән бергә Башкорт дәүләт университеты мәйданында Бесландагы корбаннар истәлегенә һәм илебездә булган башка террорчылык актларына багышланган акция оештырды.
Чара башланганчы анда катнашучылар студентлар белән бергә Башкорт дәүләт университеты мәйданында Бесландагы корбаннар истәлегенә һәм илебездә булган башка террорчылык актларына багышланган акция оештырды.
Утырыш террорчылык актлары корбаннары истәлегенә бер минутлык тынлык белән башланып китте. Түгәрәк өстәл артнда террорчылыкка каршы көрәштә фәнни-эксперт берләшмәсе, иҗтимагый оешмалар, дәүләт хакимияте органнары вәкилләре җыелды. Катнашучылар Украинада махсус хәрби операция үткәрү кысаларында экстремизм һәм террорчылык барлыкка килүгә һәм таралуга ярдәм итүче факторлар һәм яңа янаулар комплексы белән бәйле актуаль мәсьәләләр турында фикер алышты.
Азат Бадранов экстремизм һәм террорчылык күренешләренә каршы көрәшнең илебезнең күпмиллләтле төбәкләре өчен принципиаль әһәмияткә ия булуын билгеләп үтте. Аның сүзләренчә, бу мәсьәләләрнең актуальлеге геосәяси чакырулар фонында арта.
_Башкортстанда 2018 елдан гамәлгә ашырыла торган дәүләт сәясәтенең дөреслеген агымдагы иминлек һәм иҗтимагый-сәяси тотрыклылык раслый. Без Миңнегали Шәйморатов мирасын, республика тарихының мөһим фигураларын һәм сюжетларын мәңгеләштерәбез; «Шәйморат сыйныфлары»н формалаштырдык, патриотик мобилизация белән актив шөгыльләнәбез. Шулай итеп, без сайлаган эчке сәясәт стратегиясе үзенең нәтиҗәлелеген һәм дөрес юнәлештә эшләвен күрсәтте. Башкортстанның Украинада махсус хәрби операция башлануга һәм Русиянең күмәк Көнбатыш белән каршылыгының кискен фазасына идеологик яктан әзерлеге турында әйтеп була, - диде вице-премьер.
Фото: culture.ru
