Пуля бер чигәсеннән кереп, икенчесеннән чыккан иде...

Уфа табиблары башына пуля эләккән пациентның күрү сәләтен өлешчә кире кайтара алган.

Хирург Эрнст Мулдашев эшләгән уникаль технология ярдәмендә ДНРда ополченец булган Артурга ярдәм итәргә мөмкин. Җиде ел пациент караңгылыкта яшәгән. Чыгышы буенча ул эстонияле, гомере буе Донбасста яшәгән. Артур Охак тәүдә - шахтер, ә 2014 елда ополченец була. Аның сүзләре буенча, ул Одессадагы куркыныч вакыйгалардан соң волонтерлыкка язылган.

Артур 2014 елның җәендә һәм көзендә бик күп зур сугышларда катнаша, ләкин кышын отряд утка эләгә. Анда аның башына пуля керә һәм бер чигәсеннән кереп икенчесеннән чыга... Мондый җәрәхәт һәрвакыт диярлек үлемгә китерә, һәм берникадәр вакыт Артурны, чыннан да, үлгән дип санаганнар, хәтта аның гәүдәсен моргка җибәргәннәр. Аның артыннан әтисе килгәч кенә Артурның исән икәнлеген аңлый.

Аннары Русиядә һәм Донбасста дәваханәләргә һәм реабилитация үзәкләренә йөрү башлана. Табиблар Артурга сөйләшү һәм йөрү сәләтләре әйләнеп кайтуын могҗиза дип атый. Ләкин ирне тагын бер могҗиза көтә. Мулдашевның уникаль технологиясе ярдәмендә (пациентларга «Аллоплант» биологик материалы кертелә, ул организмны үз-үзен төзәтергә этәрә) пациентның күрү сәләте 2 процентка кире кайтты һәм яхшыруын дәвам итә.

Уфага килергә һәм реабилитацияне дәвам итәргә Донбассның ирекле ярдәмчеләр берлеге ярдәм итә. Аның вәкилләре ел саен күз күреме генә түгел, сугышчының аңы да үзгәрә, дип сөйли. Әйтик, беренче елны ул сугышканын, сүзләрен, вакыйгаларын һәм кешеләрне бөтенләй хәтерләмәгән. Ләкин дәвалау вакытында хәтере кире кайта башлаган.

Уфа табиблары Артурның күрү сәләтенең 10 процентка кайтачагын фаразлый. Ул зур билгеләрне һәм бәлки автобус номерларын укый алачак, моның өчен тагын берничә ел реабилитация кирәк.

Фото: 31tv.ru