+21 °С
Болытлы
Җәмгыять
12 октябрь 2022, 10:00
Русия Героеның туган авылында - Татарстан кунаклары
Кырмыскалы районының Шәйморатов авылы бүген янә кунаклар кабул итте. Русия Герое, легендар 112нче Башкорт кавалерия дивизиясе командиры, генерал-майор Миңнегали Шәйморатовның туган авылында Татарстан Республикасы Премьер-министры урынбасары, Бөтендөнья татар конгрессының Милли Шура рәисе Вәсил Шәйхразиев булып китте.
Русия Героеның туган авылында - Татарстан кунаклары
Васил Габделгаяз улы җитәкчелегендәге делегацияне кырмыскалылылар зур кунакчыллык күрсәтеп каршы алды. Мөхтәрәм кунаклар килүен белеп, Миңнегали Шәйморатовның һәйкәле урнашкан мәйданга авыл халкы да җыелды. Чара әнә шулай ихлас аралашудан башланып китте. Васил Габделгаяз улы кичә Уфа шәһәрендә Миңнегали Шәйморатовка һәйкәл ачу тантанасында катнашуы һәм аннан алган тәэссоратлары белән уртаклашты, бүген дә легендар шәхеснең туган авылында җылы кабул итүләре өчен рәхмәтләрен җиткерде.
Исмәгыйль хәзрәт Ибраһимов Коръән сурәләре укыганнан соң, җыелучылар Миңнегали Минһаҗ улының һәйкәленә чәчәкләр салды. Кырмыскалы районы хакимияте җитәкчелеге һәм авыл биләмәсе башлыгы Илвир Моратшин кунакларга һәйкәлнең барлыкка килү тарихы, якташыбызның истәлеген мәңгеләштерү уңаеннан башкарылган эшләр хакында сөйләде. Һәйкәлгә чәчәкләр салганнан соң, кунаклар шушы авылдагы модельле мәдәният йортында урнашкан Миңнегали Шәйморатовның күргәзмә залына юлланды. Биредә 3D маппинг проекция панорамасы ярдәме белән башкорт кавалеристларының хәрби юлы турында фильм карау мөмкинлеге дә бар. Урындагы мәктәпнең тарих фәне укытучысы Валентина Моратшина якташыбызның тормыш һәм хәрби юлына кагылышлы байтак фактларга да тукталып үтте. Премьер-министр урынбасары билгеләвенчә, Казанда Миңнегали Шәйморатов турында зур фильм төшерелгән һәм тиздән аны якташлары да карый алачак.
Очрашуда күренекле якташыбызның туганнары катнашуы да аңа ямь өстәде.
Фото: Эльвира Ямалетдинова.
Исмәгыйль хәзрәт Ибраһимов Коръән сурәләре укыганнан соң, җыелучылар Миңнегали Минһаҗ улының һәйкәленә чәчәкләр салды. Кырмыскалы районы хакимияте җитәкчелеге һәм авыл биләмәсе башлыгы Илвир Моратшин кунакларга һәйкәлнең барлыкка килү тарихы, якташыбызның истәлеген мәңгеләштерү уңаеннан башкарылган эшләр хакында сөйләде. Һәйкәлгә чәчәкләр салганнан соң, кунаклар шушы авылдагы модельле мәдәният йортында урнашкан Миңнегали Шәйморатовның күргәзмә залына юлланды. Биредә 3D маппинг проекция панорамасы ярдәме белән башкорт кавалеристларының хәрби юлы турында фильм карау мөмкинлеге дә бар. Урындагы мәктәпнең тарих фәне укытучысы Валентина Моратшина якташыбызның тормыш һәм хәрби юлына кагылышлы байтак фактларга да тукталып үтте. Премьер-министр урынбасары билгеләвенчә, Казанда Миңнегали Шәйморатов турында зур фильм төшерелгән һәм тиздән аны якташлары да карый алачак.
Очрашуда күренекле якташыбызның туганнары катнашуы да аңа ямь өстәде.
Фото: Эльвира Ямалетдинова.
