Коляскада утыру модага киртә түгел!

– «Талантлар йолдызлыгы» ннан торган балалар өчен ел саен үткәрелә торган иҗади конкурс номинацияләренең берсе-ул нәкъ менә коляскадагы бала өчен кием әзерләү һәм дизайн, – ди «Ана йөрәге» нең әниләр советы оешмасы җитәкчесе Гөлшат Ибраһимова. - Ел саен әлеге номинациядә дизайнерлар, тегүчеләр, ата-аналар катнаша, алар үзләренең коляскадагы балалары өчен уңайлы, матур кием уйлап табалар. Бу идея минем кызым Айгөл ярдәмендә барлыкка килде, аның өчен безнең әти уңайлы кием тегә, аны коляскадан күтәрмичә генә алыштырып була.
"Талантлар йолдызлыгы” конкурсы Башкортстанда инде 11 ел рәттән үтә, бүген “Торатау” Конгресс-холлында ”Ломая барьеры " беренче ачык форум -күргәзмәсе кысаларында үткән инклюзив тамашада төрле еллардагы лауреатлар үз коллекцияләрен тәкъдим итте. Моннан тыш, Мәскәүнең ортопедик аяк киеме җитештерүдә махсуслашкан «Ортомода» компаниясе дә гадәти булмаган тамашада катнашырга теләк белдерде.
Биредә тәкъдим ителгән модалы киемнәрнең үзенчәлеге — аларның мөмкинлекләре чикләнгән балалар, өлкәннәр өчен уңайлы булуында. Өстәвенә, алар бик матур һәм заманча да.
Нәни катнашучыларның коляскаларда елмаеп сәхнәгә килеп чыгуы күңелгә үтәрлек тамаша булды. Әниләренең йөзләрендә балкыган шатлык нурлары да күпне сөйли иде. Ә яшь ханымнар, туташлар, коляскада утыруларына кармастан, үзләрен чын модельдәй тотты, камераларга карап елмайды.
Бу дөньяда һәркемнең бәхетле булырга, балкырга хакы бар шул. Шул исәптән сәламәтлегендә тайпылыш булганнарның да.

Фото: Ильмира Шайхулова