"Меркурий"га ут төртеп яндырганнармы?

Социаль челтәрләрдә таралган, әлеге сәүдә үзәген ут төртеп яндарганнар, дигән хәбәргә ышаныргамы?

"Уфада" Меркурий " сәүдә үзәгендә булган янгын факты буенча тикшерү материалы республика буенча Эчке эшләр министрлыгының Баш тикшерү идарәсенә тапшырылды. Хәзерге вакытта тикшерү нәтиҗәләре буенча процессуаль карар кабул ителәчәк тикшерү алып барыла", - дип шәрехләделәр бу хәлне төбәк буенча Эчке эшләр министрлыгының матбугат хезмәтендә.

Әлегә сәүдә үзәге ябылган, чөнки объектта хокук сакчылары эшли. Объектның идарәче компаниясе вәкиле Людмила Володина раслаганча, 10 ноябрьгә сәүдә үзәгенең өченче корпусының беренче ике каты эшен башлау планлаштырылган, анда җәмәгать туклануы нокталары һәм челтәр кибетләре урнашкан.

"Кинотеатр, милек страховкаланган булу сәбәпле, әлегә ачыла алмый, алар түләүләр белән бәйле мәсьәләләрне хәл итә, – дип сөйләде Володина. - "Динозаврия"гә килгәндә, аларның моннан китәргә дигән планнары янгынга кадәр үк булган. Алар урынына безнең Башкортстан бюджетына салымнар түләүче эшкуарлар киләчәк".

Володина сүзләренчә, сәүдә үзәгенең өченче комплексы янгыннан бөтенләй зыян күрмәгән, ә клининг буенча чыгымнарны милекче үз өстенә алган.

Элек сәүдә комплексы милекчесе, тергезү эшләре берничә айдан соң тәмамланачак һәм объект Яңа елга ачылачак, дип белдерде. Володина сүзләренчә, бу планнар үз көчендә кала.

"Безнең мәгълүматлар буенча "Динозаврия" үзәге үз теләге белән китте, ә кинотеатр һәм фитнес-клуб үз эшен дәвам итәчәк, – дип хәбәр итте Уфаның Орджоникидзе районы хакимияте башлыгы урынбасары Илгиз Байкучкаров. – Зыянга килгәндә, һәр бизнесменның үз милкен страховкаларга хокукы бар. Моның өчен бюджеттан акча бүлеп бирү өчен, кызганычка каршы, мөмкинлекләр юк".