+21 °С
Болытлы
Җәмгыять
14 ноябрь 2022, 13:10
Яңа ел чараларын үткәрүгә әзерлек башланды
Бүген Башкортстан Хөкүмәтендә республика Премьер-министры Андрей Назаров рәислегендә узган атналык оператив киңәшмәдә муниципаль районнарның һәм шәһәр округларының Яңа ел чараларын үткәрүгә әзерлеге турында фикер алыштылар.
- Яңа ел бәйрәмнәре алдыннан Башкортстан муниципалитетларында 1300 Яңа ел шәһәрчеген җиһазлау планлаштырыла. Шулай ук боз шугалаклары, чаңгы базалары һәм тюбинг трассалары барлыкка киләчәк. Бәйрәм мәйданчыкларында ике меңнән артык арт-объект урнаштырылачак. Бөтен республика буенча 220 мең метр якты бәйрәм иллюминациясе төзекләндереләчәк, - диде Андрей Назаров. - Быел Яңа ел каникуллары чорында балалар һәм өлкәннәр өчен 150 меңгә якын тамашачыны колачлаган 450 тирәсе чара уздыру планлаштырылган. Шул исәптән үз теләге белән махсус хәрби операциядә катнашучылар һәм мобилизацияләнгәннәрнең 9 мең гаилә әгъзасы өчен 20дән артык хәйрия тамашасы планлаштырыла.
Торак-коммуналь хуҗалык министры вазыйфасын башкаручы Ирина Голованова башкала халкы һәм кунаклары өчен 232 Яңа ел шәһәрчеге төзеләчәген хәбәр итте, шулардан - 2 төп шәһәр һәм 8 үзәк район шәһәрчеге, 169 чыршы урнаштырылачак. Быелгы яңалык - Уфада Кыш бабай резиденциясен урнаштыру.
Мәгариф һәм фән министры Айбулат Хаҗин сөйләвенчә, Яңа ел каникуллары чорында министрлык тарафыннан 2023 елгы Яңа ел гаилә уеннары оештырылачак, алар муниципаль һәм республика этапларында уздырылачак. Чарада 1-2нче һәм 3-4нче сыйныф укучылары булган гаилә командалары катнашачак.
Башкортстанның Гаилә, хезмәт һәм халыкны социаль яклау министрлыгында хәбәр ителгәнчә, Башкортстан Башлыгының Яңа елны бәйрәм итү турындагы еллык указына ярашлы, министрлык 18 яшькә кадәрге биш һәм аннан да күбрәк балалары булган гаиләләрнең 14 яшькә кадәргеләре бүләкләр белән тәэмин ителәчәк. Аларга 6 миллион сумга 17,5 мең бүләк сатып алу каралган.
Республиканың 39 муниципаль берәмлегендә урнашкан барлык 15 балалар йортында һәм 34 социаль приютта бюджеттан тыш чаралар хисабына 764 балага бүләкләр тапшыру белән Яңа ел чаралары оештырылачак. Яңа ел алдыннан татлы бүләкләрне гаиләләрдә тәрбияләнүче ятим балалар да алачак. Бүгенге көндә мондый гаиләләрдә 10,5 мең бала яши. Министрлык карамагындагы тернәкләндерү үзәкләрендә Яңа ел иртәләрен үткәрү һәм Яңа ел чаралары чорында социаль хезмәтләр алучы 2 меңнән артык балага Яңа ел бүләкләре тапшыру планлаштырыла.
Концерт программалары, иганәчеләр һәм волонтерлар җәлеп итеп, республиканың өлкәннәр һәм инвалидлар өчен һәр интернат-йортында, шулай ук психоневрологик интернатларда да Яңа ел чаралары уздырылачак.
Моннан тыш, вакытлыча урнаштыру пунктларында яшәүче балаларны һәм ДХР, ЛХР, Херсон һәм Запорожье өлкәләреннән, Украинаның аерым территорияләреннән мөстәкыйль килгән гаиләләрне Яңа ел алдыннан котлау оештырылачак. Бүләкләр тапшыру белән Яңа ел чараларын оештыру Уфаның «Шәһәрне үстерү иҗтимагый фонды» социаль, мәдәни һәм икътисади үсеш фонды гранты акчалары хисабына гамәлгә ашырылачак. 300гә якын кешене котлау планлаштырыла.
- Яңа ел бәйрәмнәре үткәрү көннәрендә гражданнарыбызның аерым категорияләренә зур игътибар бирергә кирәк. Алар - иң беренче чиратта, ата-ана каравыннан мәхрүм калган һәм мөмкинлекләре чикле балалар. Донецк һәм Луганск халык республикаларыннан, Херсон һәм Запорожье өлкәләреннән, Украинаның аерым территорияләреннән килгән кечкенә сабыйларны да кайгыртырга кирәк. Шулай ук безнең мобилизацияләнгән һәм ирекле батальоннардагы сугышчыларның балаларына да игътибар итү мөһим. Алар барысы да бәйрәм кәефен һәм безнең кайгыртучанлыгыбызны тоярга тиеш, - дип йөкләде Премьер-министр.
Фото: gorobzor.ru
