Кем икәнлегебезне аңлау мөһим!

Башкортстан Башлыгы Хакимияте җитәкчесенең беренче урынбасары Урал Килсенбаев күчмә цивилизацияләргә багышланган халыкара фәнни-гамәли конференциядә, Бөек дала чорында безнең төбәктә халыкларның көчле хәрәкәте башлануын билгеләп үтте. Көньяк Урал дистәләгән мәдәниятләр һәм телләр киселешенең үзәгенә әверелә. Монда төрле, еш кына көндәш кабиләләрнең тормышы гөрләгән, алар күп гасырлар эчендә бергә яшәргә өйрәнгән. Төньяк һәм көньяк, көнбатыш һәм көнчыгышның актив кушылуы, күчмә һәм утырак кабиләләрнең үзара бәйләнеше күзәтелгән. Безнең төбәк аша кәраван сәүдә юллары үткән, территориядә күчмә үзәкләр урнашкан.

Башкортстанда оештырылган Евразия күчмә музвилизацияләр музее "Без кем?" дигән сорауга җавап бирергә, палеометаллдан урта гасыр азагына кадәр кешенең үсешен күрсәтергә тиеш.

Искәртеп узабыз, «Шүлгәнташ» тарих-музей комплексын ачу чарасында яңа музей булдыру башлангычы белән Башкортстан Башлыгы Радий Хәбиров чыгыш ясады. Ул вакытта ул билгеләп үткәнчә, республика Бөек далага тарихи күчмә юллар киселешендә урнашкан. Шуңа бәйле рәвештә, бүген төбәктә яшәүче халыклар һәм милләтләр Азиянең күп илләре белән мәдәни һәм көнкүреш традицияләрендә һәм гореф-гадәтләрендә уртак тамырларга ия.

"Без кайда туганыбызны, каян килгәнебезне аңлыйбыз. Кем икәнлегебезне аңлау мөһим. Бу киләчәктә Евразия күчмә цивилизацияләр музее ачачак киләсе этап - дип өстәде ул вакытта Радий Хәбиров. – Без Башкортстан безнең җирдә булган дәүләтләрнең административ үзәге булган дип уйлыйбыз".
.
"Хөсәен-Бәк, Тура-хан, Кече кәшәнә төрбәләре торган территория борынгы күчмә цивилизацияләр үзәкләренең берсе булган. Вәгазьчеләр һәм Алтын Урданың югары чиннары нәкъ шушында килгән. Монда Идел буе Болгар дәүләтеннән, Кама буеннан Урта Азиягә һәм Себергә кәраван юлларында сәүдә тукталышлары урнашкан. Нәкъ менә бу территорияләр башкорт этносын берләштерү үзәкләренә әверелде. Быел җәй без «Подымалово-1» Алтын Урда авылының археологик тикшеренүләрен үткәрдек һәм уникаль нәтиҗәләр алдык. Әйтик, безнең галимнәр 9 археологик комплексны үз эченә алган һөнәрчелек үзәген тапты", - диде Урал Килсенбаев.

Галимнәр фикеренчә, бу табышлар җирле халыкның Түбән Идел буе һәм Урта Азия шәһәр үзәкләре белән элемтәсенә басым ясый.

Фото: башинформ