+21 °С
Болытлы
Җәмгыять
11 декабрь 2022, 16:25
Дүрт биләмә тракторлы булды!
Чишмә районында агымдагы елда программа үтәлешенә йомгак ясадылар Күптән көтелгән кар яуды. Уңыш җыеп алынган басулар йокыга талды. Район үзәгендә бәйрәм – ярминкә! Иртәннән башлап дәртле музыка яңгырый.
Дүрт биләмә тракторлы булды!
Муллыктан киштәләр сыгылып тора. Төрлесеннән ит, бал, яшелчә-җимеш – җаныңа ни кирәк, җырдагыча, барысы да бар Чишмәдә!
Һәр авыл биләмәсе үз ноктасын булдырган. Аллы-гөлле ашъяулыклар, чигелгән сөлгеләр белән бизәлгән сәүдә киштәләрендә төрле аш-су, тәмлекәчләрнең чиге юк төсле. Кайнар самавыр чәе, белен, коймактан да авыз итәргә чакырып торалар, җитмәсә.
Караякуплылар башкортча сыйласа, Яңгалышныкылар: “Сало по мордовски, попробуйте!” – дип каршылый. Чувалкип авылы кешеләре татарча тутырган тавыктан авыз итәргә чакыра, Ново-Троицк халкы сөт ризыклары сата, шиңгәккүллеләрнең кабактан эшләнгән матрешкаларын халык кызыксынып карый.
Бу көн тагын бер күркәм вакыйга белән истәлекле булды – “Урындагы башлангычларга ярдәм” программасына йомгак ясалды. Әри, Шиңгәккүл, Дурас, Яңгалыш авыл биләмәләренә тәгәрмәчле тракторлар тапшырылды.
Ярминкәләрдә актив катнашкан шәхси эшкуарлар, үз-үзен эш белән тәэмин итүчеләргә район хакимияте башлыгы Ришат Мансуров Рәхмәт хатлары тапшырды.
Күпмилләтле, уңган, егәрле халык дус яши, тырышып дөнья көтә бәрәкәтле Чишмә җирендә.
Лена Булатова.
Чишмә районы.
Һәр авыл биләмәсе үз ноктасын булдырган. Аллы-гөлле ашъяулыклар, чигелгән сөлгеләр белән бизәлгән сәүдә киштәләрендә төрле аш-су, тәмлекәчләрнең чиге юк төсле. Кайнар самавыр чәе, белен, коймактан да авыз итәргә чакырып торалар, җитмәсә.
Караякуплылар башкортча сыйласа, Яңгалышныкылар: “Сало по мордовски, попробуйте!” – дип каршылый. Чувалкип авылы кешеләре татарча тутырган тавыктан авыз итәргә чакыра, Ново-Троицк халкы сөт ризыклары сата, шиңгәккүллеләрнең кабактан эшләнгән матрешкаларын халык кызыксынып карый.
Бу көн тагын бер күркәм вакыйга белән истәлекле булды – “Урындагы башлангычларга ярдәм” программасына йомгак ясалды. Әри, Шиңгәккүл, Дурас, Яңгалыш авыл биләмәләренә тәгәрмәчле тракторлар тапшырылды.
Ярминкәләрдә актив катнашкан шәхси эшкуарлар, үз-үзен эш белән тәэмин итүчеләргә район хакимияте башлыгы Ришат Мансуров Рәхмәт хатлары тапшырды.
Күпмилләтле, уңган, егәрле халык дус яши, тырышып дөнья көтә бәрәкәтле Чишмә җирендә.
Лена Булатова.
Чишмә районы.
