+20 °С
Облачно
Җәмгыять
11 Декабря 2022, 17:00
Өмәчеләрнең кулларына күз иярми
Кырмыскалы районының Сахай авылында яшәүче Абзановлар йортында узган каз өмәсенә иң уңганнар җыелды.
Өмәчеләрнең кулларына күз иярми
Соңгы елларда авылларда эре мал, кош-корт асраучылар азайган иде. Печән чабу да җиңелдән түгел, катнашазыкка хаклар югары, ә инде өлкәнрәк кешеләргә бөтенләй чебеш-бәбкә артыннан йөгереп йөрү, аларны тәрбияләү авырга төшә. Шуңа күпләр: “Сатып алсаң, очсызга төшә”, — дигән сылтау белән мал асраудан читләштеләр.
Чебешләрне көз саныйлар, дигәндәй, Сахай авылында кош-корт асраган гаиләләрнең хезмәтләре күзгә күренә башлады. Каз-үрдәк асраучылар көзге бәйрәм – каз өмәләрен ачып җибәрделәр. Әле шушы көннәрдә генә яшь гаилә – Лилия һәм Финат Абзановлар каз өмәсе үткәрде.
Лилия тумышы белән Зианчура районының Исәнгол авылыннан. Әти-әнисе дә гомер буе мал асрап дөнья көткәннәр. Ә авыл җирендә, билгеле, һәрбер эшне бергәләп башкарырга күнегелгән. Аның каравы, балалар эшнең рәтен белеп, нечкәлекләрен өйрәнеп үсә. Лилия дә, Финат та нәкъ шундый мохиттә тәрбияләнәләр, әти-әниләренең ныклы ярдәмчеләре булалар. Шуңа Лилия, Сахай авылында яшәүче Гүзәл һәм Фаил Абзановларның йортына килен булып төшкәч тә, ире белән чын авыл тормышы белән яши башлыйлар: кош-корт кына түгел, эре мал да асрыйлар.
– Әле абзарда ике баш тана һәм бер бозау бар. Авыл җирендә малсыз яшәүне күз алдына да китерә алмыйбыз. Тормыш иптәшем Финат та бик уңган, кулыннан килмәгән эш юк. МТЗ-80 тракторы, печән чапкыч, печәнне җыю корылмалары сатып алдык. Шулай булгач, кешегә ялынып йөрисе, артык акча чыгарасы юк. Барлык эшләрне дә үзебезнең көч белән башкарырга тырышабыз, — ди хуҗабикә.
Гаилә башлыгының төп эше дә техника белән бәйле – өлкән механик булып эшли. Ә Лилия — авыл биләмәсе хакимиятендә яшьләр белән эшләү буенча белгеч. Гаилә бәхетен арттырып, өч балалары үсеп килә. Алар инде кул арасына керә башлаган, йорт-курада үз бурычлары да бар. Азалия 6нчы сыйныфта укый, Равилгә – 6, Кәримгә 4 яшь.
Абзановлар көне буе эштә булуларына карамастан, 30 баш каз бәбкәсе алып үстергәннәр. Ә яңарак аларның күркәм йортында шаулап-гөрләп каз өмәсе узды. Ике яктан да туганнарын, якыннарын, күршеләрен җыеп, эшне бик җиңел генә башкарып чыкканнар.
– Өмәчеләремнең кулларына күз иярми, казлар да шулкадәр чиста, матур булды. Ни генә дисәләр дә, үзең үстергәнгә җитми инде ул, – ди хуҗабикә.
Таһир ВИЛДАНОВ.
Кырмыскалы районы.
Чебешләрне көз саныйлар, дигәндәй, Сахай авылында кош-корт асраган гаиләләрнең хезмәтләре күзгә күренә башлады. Каз-үрдәк асраучылар көзге бәйрәм – каз өмәләрен ачып җибәрделәр. Әле шушы көннәрдә генә яшь гаилә – Лилия һәм Финат Абзановлар каз өмәсе үткәрде.
Лилия тумышы белән Зианчура районының Исәнгол авылыннан. Әти-әнисе дә гомер буе мал асрап дөнья көткәннәр. Ә авыл җирендә, билгеле, һәрбер эшне бергәләп башкарырга күнегелгән. Аның каравы, балалар эшнең рәтен белеп, нечкәлекләрен өйрәнеп үсә. Лилия дә, Финат та нәкъ шундый мохиттә тәрбияләнәләр, әти-әниләренең ныклы ярдәмчеләре булалар. Шуңа Лилия, Сахай авылында яшәүче Гүзәл һәм Фаил Абзановларның йортына килен булып төшкәч тә, ире белән чын авыл тормышы белән яши башлыйлар: кош-корт кына түгел, эре мал да асрыйлар.
– Әле абзарда ике баш тана һәм бер бозау бар. Авыл җирендә малсыз яшәүне күз алдына да китерә алмыйбыз. Тормыш иптәшем Финат та бик уңган, кулыннан килмәгән эш юк. МТЗ-80 тракторы, печән чапкыч, печәнне җыю корылмалары сатып алдык. Шулай булгач, кешегә ялынып йөрисе, артык акча чыгарасы юк. Барлык эшләрне дә үзебезнең көч белән башкарырга тырышабыз, — ди хуҗабикә.
Гаилә башлыгының төп эше дә техника белән бәйле – өлкән механик булып эшли. Ә Лилия — авыл биләмәсе хакимиятендә яшьләр белән эшләү буенча белгеч. Гаилә бәхетен арттырып, өч балалары үсеп килә. Алар инде кул арасына керә башлаган, йорт-курада үз бурычлары да бар. Азалия 6нчы сыйныфта укый, Равилгә – 6, Кәримгә 4 яшь.
Абзановлар көне буе эштә булуларына карамастан, 30 баш каз бәбкәсе алып үстергәннәр. Ә яңарак аларның күркәм йортында шаулап-гөрләп каз өмәсе узды. Ике яктан да туганнарын, якыннарын, күршеләрен җыеп, эшне бик җиңел генә башкарып чыкканнар.
– Өмәчеләремнең кулларына күз иярми, казлар да шулкадәр чиста, матур булды. Ни генә дисәләр дә, үзең үстергәнгә җитми инде ул, – ди хуҗабикә.
Таһир ВИЛДАНОВ.
Кырмыскалы районы.
Өмәчеләрнең кулларына күз иярми
