-21 °С
Болытлы
Гәзиткә язылуVKOKTelegramЯRus
Барлык яңалыклар
Җәмгыять
25 гыйнвар , 10:42

Алты кеше һәлак булган иде...

Уфа - Языково юлында булган иде бу коточкыч хәл. Благовар районара суды урындагы кешегә карата җинаять эше буенча хөкем карары чыгарды.

Алты кеше һәлак булган иде...
Алты кеше һәлак булган иде...

Узган елның 25 июлендә "Ford Transit" микроавтобусы йөртүчесе Уфа - Языково маршруты буенча пассажирлар алып барган. «Урал» М-5 автомобиль юлының Уфа юнәлешендә 1412нче чакрымында максималь рөхсәт ителгән тизлекне арттыра барып, ул каршы полоса буйлап килүче «КамАЗ» белән бәрелешә.

Юл-транспорт һәлакәтендә микроавтобусның алты пассажиры һәлак булды, тагын берсенең сәламәтлегенә авыр зыян килде. Авария вакытында автобуста 24 кеше була, ә рөхсәт ителгән урыннар саны - 19. Моннан тыш, барлык пассажирлар да хәвефсезлек каешлары белән эләктерелмәгән булган.

"Шофер үз гаебен таныды. Суд аңа 3 елга транспорт чаралары белән идарә итү хокукыннан мәхрүм итү белән холык төзәтү колониясендә 4 ел 6 ай ирегеннән мәхрүм итү рәвешендә җәза билгеләде. Хөкем карары әлегә законлы көченә кермәде", - диделәр Башкортстан Прокуратурасы матбугат хезмәтендә.

Фото: [leech=https://vk.com/incident02]https://vk.com/incident02[/leech]

Автор:Гөлия Мөгаллимова
Читайте нас в