+21 °С
Облачно
Җәмгыять
10 Февраля 2023, 09:29
Әти булачагын яу кырында белгән
Исән-имин йөреп кайт, синең әле үзең кебек кыю, батыр ул үстерәсең бар!
Әлеге видеоны күз яшьләрсез карап та булмый. Ул социаль челтәрләрдә таралды. Мобилизациягә алынган яшь иргә тиздән әти булачагын әйткәннәр. Көчле, бернәрсәдән дә курыкмаган, дошман белән күзгә-күз очрашкан яшь ир бу видеоны күз яшьләрен сөртә-сөртә карый.
Шунда ук булачак бәбинең кызмы, малаймы икәнен ачыклау өчен "гендер-пати" да үткәрәләр. Аннан күренүенчә, ир киләчәктә малай әтисе булачак.
«Солдат, без синең белән бергә елыйбыз. Исән-имин әйләнеп кайт. Синең өчен догада торырбыз»;
«Исән-сау әйләнеп кайт, үз балаларыгызны үзегез карап үстерегез»;
«Булачак әти, синең өчен теләкләр теләп торачакбыз. Тизрәк хатыннарыгыз, балаларыгыз янына әйләнеп кайтыгыз. Кайчан бетәр бу хәлләр»;
«Туачак балаң хакына көрәшергә һәм исән кайтырга кирәк», – дип комментарийлар калдыралар әлеге язма астында.
Бу ирнең чиксез шатлыгына без дә кушылабыз. Исән-имин генә кайтсын. Аның бит әле үзе кебек кыю, батыр ул үстерәсе бар!
Фото: 1tulatv.ru
