Балалары урамда хәер сорашып йөри...

Белорет районында полиция 35 яшьлек урындагы яшәүчегә карата җинаять эшен тикшерә. Аны ата-ана бурычларын үтәмәүдә гаеплиләр.

Полициягә бу хәлләрне үз күзләре белән күргән кеше мөрәҗәгать иткән, ул хәбәр иткәнчә, 8 һәм 10 яшьлек ике бала урамда хәер сорашу белән шөгыльләнә. Балаларның әнисе аларны тәрбияләү белән шөгыльләнми генә түгел, ә өлкән балаларына һәм 2 яшьлек балага физик газаплар да китерә икән.

Хатын элегрәк Балигъ булмаганнар эшләре буенча комиссиядә исәпкә алынган. Ана исерткеч эчемлекләр куллана, кечкенә өч баланың физик һәм әхлакый сәламәтлеге турында кайгыртмый, аларга физик зыян китерә. Бер көнне ул иң кечесен көн буена фатирда ялгызын калдырган. Бала батареядан җитди пешкән. Хатын-кызның инде берничә тапкыр балаларын алганнар. Ул төзәлергә дә тырышкан, алкоголизмнан дәваланган, эшкә урнашкан, ләкин былтыр яңадан алкоголь куллана башлаган.

Балалар еш кына үзләре генә кала, сукбайлар булып, ач-ялангач йөри, һава торышына ярашлы киенми, ана аларны еш кына кыйный. Аның ире - кече баланың әтисе - балаларны тәрбияләүдә катнашмый, ә ике өлкән баланың башка төбәктә яшәүче әтисе турында да белүче юк.

Хәзер әнине ата-ана хокукларыннан мәхрүм итү мәсьәләсе хәл ителә.

Фото: rus-lad.ru