"Финанс" системасы аеруча файдалы

Андрей Назаров республикада дәүләт финанслары белән идарә итү системасы 2020 елда барлыкка килүен искәртте. Система муниципаль һәм дәүләт учреждениеләренең исәпләү ресурсларын мәгълүмат системасының аерым локаль күчермәләреннән читкә китү һәм аның эшен веб-тирәлеккә күчерү юлы белән оптимальләштерергә мөмкинлек бирә.

– Муниципалитетларыбыз хезмәткәрләре өчен "Финанс" системасы аеруча файдалы: мондый дәрәҗәдәге процессларны автоматлаштыру, әлбәттә, аерым процедураларны гадиләштерүгә, эш тизлеген арттыруга, төгәлрәк һәм тулырак хисап мәгълүматларын формалаштыруга ярдәм итә, - дип билгеләп үтте Андрей Назаров. - Әлбәттә, аларны санлаштыру өчен башка икътисади процессларны да күзәтергә кирәк.

"Финанслар" бердәм ГИСын булдыру турында тулырак мәгълүматны республиканың дәүләт идарәсе санлы үсеш министры Геннадий Разумикин җиткерде.

Бюджет, финанс, кредит сәясәте һәм салымнар өлкәсендә республика дәүләт хакимияте органнары һәм урындагы үзидарә органнары эшчәнлегенең ачыклыгын тәэмин итү максатларында, бердәм мәгълүмати киңлекне мәгълүмати-коммуникацион технологияләр кулланып формалаштыру кысаларында эш башкарылды.

Министр сүзләренчә, 2020 елда республика бюджетын һәм муниципаль берәмлекләр бюджетларын үтәү процессларын автоматлаштыру өлешендә эшләр башкарылган, бюджет турында закон формалаштырылган, норматив-белешмә мәгълүматның подсистемалары һәм чыгым йөкләмәләре реестрын формалаштыру булдырылган.

2021 елда бердәм мәгълүмат киңлеген булдыру тәмамланды, бюджетны планлаштыру һәм үтәү процессын дәүләт сатып алулары өлкәсендә төбәк мәгълүмат системасы белән тыгыз интеграцияләү тәэмин ителде. Былтыр"Финанслар" ГИСы төбәк һәм өстенлекле проектлар белән идарә итүнең мәгълүмати системасы белән интеграцияләнгән, капиталь төзелеш объектлары белән идарә итү гамәлгә ашырылган.