+21 °С
Болытлы
Җәмгыять
20 апрель 2023, 14:25
“Каен ауган кайтасы юлларыма...”
Кешеләр кыштан соң территорияләрдә чисталык урнаштыруга аеруча игътибарлы.
“Каен ауган кайтасы юлларыма...”
Көчле җил Уфаның Свердлов урамындагы йорт түбәсенең бер өлешен каерып алган дигән хәбәрне социаль челтәрләрдә шәһәрдә яшәүчеләрнең берсе язган. Ир түбәдә яткан металл кисәкләре кемнедер имгәтер, дип борчыла.
Мөрәҗәгать Башкортстанга идарә итү үзәгенең мәгълүмат системасына эләккәч, Уфаның Киров районы хакимияте аны шунда ук эшкә ала. Берничә сәгатьтән соң белгечләр түбәдән калай кисәкләрен җыеп алган. Шөкер, ваемсыз булмаган кешенең уяулыгы һәм хезмәткәрләрнең оперативлыгы аркасында гадәттән тыш хәл булмый калды.
Бер уфалы социаль челтәрләрдә Коммунарлар урамындагы 4нче йорт ишегалдындагы черек агачны алып ташлауны сораган. Проблеманы хәл итүгә башкаланың Калинин районы хакимияте керешә. Икенче көнне 25нче ЖЭУ хезмәткәрләре йорт ихатасында тәртип урнаштыра.
Мөрәҗәгать Башкортстанга идарә итү үзәгенең мәгълүмат системасына эләккәч, Уфаның Киров районы хакимияте аны шунда ук эшкә ала. Берничә сәгатьтән соң белгечләр түбәдән калай кисәкләрен җыеп алган. Шөкер, ваемсыз булмаган кешенең уяулыгы һәм хезмәткәрләрнең оперативлыгы аркасында гадәттән тыш хәл булмый калды.
Бер уфалы социаль челтәрләрдә Коммунарлар урамындагы 4нче йорт ишегалдындагы черек агачны алып ташлауны сораган. Проблеманы хәл итүгә башкаланың Калинин районы хакимияте керешә. Икенче көнне 25нче ЖЭУ хезмәткәрләре йорт ихатасында тәртип урнаштыра.
Ә менә Шота Руставели урамы, 23/1 адресы буенча яшәүчеләргә көтәргә туры килгән, гәрчә алар сынган агач турында социаль челтәрләрдә февраль башында ук язган булсалар да. Моның объектив сәбәбе бар: кар өеме аркасында махсус техника күрсәтелгән агач янына үтә алмый, эшне язга күчерәләр. Шунысы куанычлы, агач йорт артында, җәяүлеләр зонасыннан ерак урнашкан. 10 апрельдә Орджоникидзе районының идарәче оешмасы хезмәткәрләре әлеге агачның сынган ботакларын кисеп алып киткән.
Республикада урамнарда, паркларда, скверларда, ишегалларында чисталык урнаштыруны дәвам итәләр. 3 апрельдән 9 апрельгә кадәр Башкортстанга идарә итү үзәге системалары төзекләндерү темасына 970 мөрәҗәгать теркәгән, шуларның 261се — территорияне җыештыру, 49ы – яшел үсентеләр торышы буенча.
Башкалада яшәүче ханым СССРның 50 еллыгы урамында асфальт ишелүенә шаһит була һәм бу хакта социаль челтәрләрдә яза. Башкортстан ЦУРы мәгълүмат системасы теркәгәннән соң, Уфаның Октябрь районы хакимиятенең коммуналь хуҗалык һәм төзекләндерү бүлеге хезмәткәрләре аны эшкә алган.
Башкалада яшәүче ханым СССРның 50 еллыгы урамында асфальт ишелүенә шаһит була һәм бу хакта социаль челтәрләрдә яза. Башкортстан ЦУРы мәгълүмат системасы теркәгәннән соң, Уфаның Октябрь районы хакимиятенең коммуналь хуҗалык һәм төзекләндерү бүлеге хезмәткәрләре аны эшкә алган.
Әлеге урында юл түшәмәсе 4 апрельдә җимерелгән. Кыш көне биредә торбаүткәргечтә авария эшләре алып барыла, туфрак юыла. Кар эреп, җир ачылгач, проблема килеп туган. Асфальт җимерелү турында белгәч тә, бу урынны койма белән уратып алалар. 5 апрельдә шәһәр хезмәтләре белән киңәшмә уздырыла. Ә аннан соң “Уфаводоканал” хезмәткәрләре тергезү эшләренә керешә. 7 апрельдә алар тәмамланган.
Юллар буенча тагын бер хәл. Миякә районының Кыргыз-Миякә авылы халкы Шоссе урамындагы 16нчы йорт ихатасындагы пычраклык һәм күлләвекләр аркасында подъездга кадәр барып җитеп булмый, дип зарланган. Башкортстан ЦУРы мөрәҗәгатьне Миякә районы хакимиятенә юллаган. Урындагы хакимият әлеге ихатадагы юлга вакташ түшәгән.
Вандаллар Стәрлетамакның Дуслык урамындагы “2нче гимназия” тукталыш павильонының пыяласын ваткан. “ЦУР мәгълүмат системалары 1 апрельдә социаль челтәрләрдә калдырылган хәбәрне теркәде, ә Стәрлетамак шәһәре хакимияте проблеманы хәл итү белән шөгыльләнде. 11 апрельдә Дуслык урамындагы тукталыштагы пыялалар алыштырылды, хәзер анда тәртип”, — дип язалар ЦУРдан.
Вандаллар Стәрлетамакның Дуслык урамындагы “2нче гимназия” тукталыш павильонының пыяласын ваткан. “ЦУР мәгълүмат системалары 1 апрельдә социаль челтәрләрдә калдырылган хәбәрне теркәде, ә Стәрлетамак шәһәре хакимияте проблеманы хәл итү белән шөгыльләнде. 11 апрельдә Дуслык урамындагы тукталыштагы пыялалар алыштырылды, хәзер анда тәртип”, — дип язалар ЦУРдан.
5 апрельдә Уфада Черниковка бистәсендә яшәүче ханым Кольцевая урамындагы скверның торышына зарлана (Коммунарлар урамыннан “Колхоз базары” тукталышына кадәр). Кыштан соң андагы чүп-чар, иске яфраклар, ботак сыныклары скверны ямьсезли. “Инцидент-менеджмент” теркәгәннән соң, мөрәҗәгатьне Орджоникидзе районы хакимияте хезмәткәрләре оператив рәвештә эшкә ала. 7 апрельдә районның төзекләндерү хезмәткәрләре бу урынны чүп-чардан чистарткан.
Бер атнада ЦУР системаларына эләккән мөрәҗәгатьләр арасында төзекләндерү темасы иң популяр тема булды. Җиде көндә әлеге темага 1138 хәбәр теркәлгән, бу аннан алдагы атнадагыдан 168гә күбрәк. Республикада яшәүчеләрне иң борчыганы — территорияләрне кыш дәвамында җыелган көнкүреш чүп-чарларыннан җыештыру (261) һәм җәмәгать киңлекләрен тәртипкә китерү.
