+21 °С
Болытлы
Җәмгыять
15 Май 2023, 12:14
"Бәләкәй балаларын бергәләп үстерербез..."
Бүген Уфада Федераль дәүләт статистикасы хезмәтенең Башкортстан буенча территориаль органы җитәкчесе Әкрам Ганиев белән хушлашу мәрәсиме булды.
"Бәләкәй балаларын бергәләп үстерербез..."
Кайгылы чарада Башкортстан Башлыгы Радий Хәбиров катнашты. Төбәк җитәкчесе мәрхүмнең туганнары һәм якыннарының кайгысын уртаклашты.
- Без Әкрам Мөхәммәт улын соңгы юлга озатабыз. Ул республика белән бергә яши, аның белән үсә, аның аерылгысыз өлеше була. Ул безнең иптәшебез, принципиаль кеше, бик компетентлы җитәкчебез иде. Әкрам Мөхәммәт улы озак еллар "Башкортостанстат" коллективын берләштерде, – дип ассызыклады Радий Хәбиров. - Туганнары һәм якыннарына әйтергә телим: без аның кечкенә балаларын да бергә үстерәчәкбез. Алар әтиләренең безнең республиканың өлеше булуын аңлап үсәр. Ул безнең хәтердә мәңгегә калачак.
"Росстат" җитәкчесе урынбасары Дмитрий Кенчадзе Әкрам Ганиевның Русия Дәүләт статистикасы системасын үстерүгә керткән зур өлешен билгеләп үтте.
Әкрам Ганиев белән хушлашу тантанасында Башкортстан Хөкүмәте әгъзалары, республика Дәүләт җыелышы-Корылтай депутатлары, министрлыклар һәм ведомстволар җитәкчеләре, төбәкнең җәмәгать эшлеклеләре катнашты.
