Чокырлар берәр бетәрме?

Ленин урамы – Уфаның мәдәни-тарихи һәм эшлекле үзәгенең төп артериясе, шулай ук Уфа халкының һәм туристларның яраткан урыны. Шуңа да “Башкортостан” кунакханәсе тукталышында чүп өеме булу шәһәр кешеләренең ачуын китергән һәм алар шушы урыннан фотоларны социаль челтәрләрдә урнаштырган. Хәбәрне Республикага идарә итү үзәгенең мәгълүмат системалары теркәгән, ә аннары аны Киров районы хакимиятенә эшкә җибәр­гәннәр. Шул ук көнне коммуналь хезмәткәрләр тәртип урнаштырган: чүп-чарны җыйган һәм тукталыш павильоны янындагы үләнне чапкан.

Тагын бер уфалы Октябрь­нең 50 еллыгы урамындагы 9нчы йорт янындагы тротуарга игътибар иткән һәм бу хакта социаль челтәрләрдә язган. Ирне бордюрның ватылуы хафага салган. Проблеманы хәл итүгә башка­ланың Совет районы хакимияте кушылган. 5 майда коммуналь хезмәт­кәрләр бордюрны тергезгән.
Автоһәвәскәрләрнең берсе Уфа – Ырынбур трассасының 48нче километрында асфальтта ярыклар күргәч, юл­ның проблемалы өлешен фотога төшереп, социаль чел­тәрләргә урнаштырган. Мөрә­җәгатьне Башкорт­станның ЦУР системалары теркәгән. “Приуралье” федераль автомобиль юллары идарәсе белгечләре хәбәрне эшкә алган. “Р-240” юлы – бу оеш­маның җаваплылык зонасы.

“Приуралье”да асфальттагы җитешсезлекләр турында белгәннәр: аларны 10 фев­ральдә үк ачыклаганнар һәм санлаштырганнар. Ремонтны башлау өчен юлчылар тиешле һава шартларын көткән. Май башында подряд оешмасы эшкә керешә, бер­ничә көннән соң асфальттагы ярыклар ямала. Гомумән алганда, бер атна эчендә Башкортстанның ЦУР системалары юллар буенча 546 мөрәҗәгать теркәгән. Кайбер­ләре инде эшләнгән, калганнары эштә яисә контрольдә.

Уфаның Дим урамындагы чокырларны ямау үтенеченә шәһәрдә яшәүче бер хатын фотолар да беркеткән. Аның социаль челтәрләрдәге хә­бәрен “Инцидент-менеджмент” теркәгән. “Без хезмәт­тәшләребез белән элемтәгә кердек һәм Дим урамында ремонт эшләре планлаштырыл­ганын ачыкладык. Ике атнадан соң районның коммуналь хезмәткәрләре ремонт үткәр­де”, – дип язалар ЦУРдан.

Тагын шундый ук мөрә­җәгать “Дәүләт хезмәт­ләре. Бергәләп хәл итәбез” кире элемтә платформасына кил­гән. Уфаның Сипайлово бистәсендә яшәүчеләр зур чокырларны фотога төшереп җибәргән: алар кыштан соң Маршал Жуков урамы белән параллель исемсез урам юлында барлыкка килгән. Башкаланың Октябрь районы хакимияте хезмәткәрләре проб­леманы эшкә алган. Бер­никадәр вакыттан соң юлның җимерел­гән өлеше ремонтлаган.

Уфаның Калинин районында яшәүче бер хатын-кыз Беренче май урамындагы 53нче йорт ихатасында ватылган хоккей тартмасына һәм чүп-чарга игътибар итүләрен сорый. Проблема контрольгә алына. Беренче Май бәйрәме алдыннан ЖЭУ-73 хезмәткәр­ләре бу йорт ишегалдын җыештырган, ә 9 майга балта осталары хоккей тартмасын ремонтлаган.

“Узган атнада башкаланың Уфа шоссесы урамында “Смена кинотеатры” җәмәгать транспорты тукталышындагы павильон сүтелде. Аның урынына берничә көннән сәүдә павильоны барлыкка килде, ул тротуарның яртысын биләп тора, газонга урнаштырылган. Әлеге павильонны урнаш­тыруның законлылыгы турында мәгълүмат бирүне сорыйм. Тагы да шуны аңлатыгыз: хәзер гражданнар җәмәгать транспортын кайда көтәргә тиеш? Бу районда пенсионерлар һәм мәктәп укучылары күп яши, алар тукталышта автобус көтеп утыра иде. Элегрәк, 2018-19 елларда, бу урында сәүдә павильоны торган иде инде, нәтиҗәдә, законсыз урнаштырылган дип, сүтелде. Хәзер шушы хәл янә кабатлана”, – дип язган социаль челтәрләрдә ачуы чыккан бер ханым.
“Җәмәгать транспорты тукталышында вандализм очраклары еш булу сәбәпле, Уфа шоссесы урамындагы “Смена кинотеатры” җәмәгать тукталышы павильонын сүтеп, аны башка тукталышка күчерергә карар ителде. Аның урынына тукталыш белән берләш­терелгән сәүдә павильоны төзелә. Яңгырдан һәм җилдән бу объект эчендә яшеренергә мөмкин. Тукталышның аталышы язуы, эскәмияләр һәм яктырту җиһазландырылачак, шулай ук расписание урнаштырылачак”, – дип җавап биргәннәр башкаланың Октябрь районы хакимиятеннән.