“Витязь” контрактны вакытыннан алда үтәгән

Заводчылар заказ ителгән машиналарның соңгысын хәрби ведомствога җибәрде.

— 2023 елда Русия Оборона министрлыгы ихтыяҗлары өчен эшләүче производстволар саны Башкортстанда 5 тапкырга диярлек артты һәм 66 предприятие тәшкил итә. Гомумән алганда, безнең ОПК предприятиеләре җитештерү күләмен арттыра, нигездә, дәүләт оборона заказын арттыру исәбенә. Иң зур үсеш авиация сәнәгате предприятиеләрендә һәм сугыш кирәк-яраклары җитештерүдә билгеләнә. «Витязь»гә килгәндә, дәүләт оборона заказын үтәүдән тыш, ул махсус хәрби операциядә катнашучыларга ярдәм итә. Компания махсус билгеләнештәге отряд өчен оптик прицел сатып алуга иганәчелек итә һәм “Росгвардия” бүлекчәләре өчен автомобильләрне бушлай броньлый, - ди Башкортстан Республикасы Хөкүмәте Премьер-министры урынбасары, сәнәгать, энергетика һәм инновацияләр министры Александр Шельдяев.

Якын арада Ишембай предприятиесе компаниянең даими партнерларының берсенә чираттагы гражданлык билгеләнешендәге ике звено җибәрәчәк. «Витязь» шассисындагы универсаль авария-ремонт комплексы экскаватор, кран-манипулятор җайланмасы, эретеп ябыштыру посты һәм суырткыч насос белән җиһазландырылган.