Талпынам, таган атынам...

Бер атнада Республикага идарә итү үзәгенең мәгълүмат системалары юллар темасына 612 мөрәҗәгать теркәгән, бу узган атнадагы саннан 43кә кимрәк. Нигездә, халык юлларны ремонтлау, юллар һәм күперләр төзү, чокыр-чакырларны ямау, тротуарларны төзекләндерү торышына, урамнарны ябуга зарлана. Иң күп мөрәҗәгатьләр Уфадан (198), Туймазы районыннан (34) һәм Стәрлетамактан (25) килгән.

Икенче урында – төзеклән­дерү буенча мөрәҗәгатьләр. Республикада яшәүчеләрне урамнарны һәм территория­ләрне җыештыру, яшеллек­ләрне карап-тоту: агачларны һәм үсентеләрне сугару, кисү, үләннәрне чабу борчый. Өчен­че урында – торак-коммуналь хуҗалык мәсьәләләре. Төп шикаятьләр – ремонт нәти­җәсендә кайнар суны ябу турында.

Гомумән алганда, узган атнада республикада яшәүче­ләрнең төрле темаларга 3015 мөрәҗәгате теркәлгән. Бу, бер атна элек булганына караганда, 947 мөрәҗәгатькә азрак.
Мәсәлән, бер ханым социаль челтәрләрдә Уфа шәһәре­нең “Башкортстан чә­чәкләре” бистәсендәге “Академик Сө­ләйманов” урамында яктыртуны тергезүне сораган. Июньдә мөрәҗәгатьне “Инцидент-менеджмент” мәгъ­лүмат системасы теркәгән һәм ул Уфа шәһәре хакимиятенә эшкә тапшырылган. Пробле­маның сәбәбе электр чыбы­гының зарарлануында булу ачыкланган. Төзүче гарантия буенча барлык кирәкле материалларны сатып алган һәм 19 июльдә урамда утлар кабынган.

Төзекләндерү буенча тагын бер мөрәҗәгать Дүртөйле шәһәреннән. Урындагы хатын-кыз Совет урамы, 96 адресы буенча юл билгеләрен куюны сораган. Дүртөйле районы хакимиятендә проблема турында белгәннәр: юлның бу өлеше эшкуар милкендә һәм билгеләрне урнаштыру өчен вакыт кирәк булган. Район хакимияте хезмәткәрләре комиссия төзегән һәм ЮХХДИ вәкилләре белән урынга чыккан. Аннары, юл хәрәкәтен оештыру проектын эшләп, планга үзгәрешләр керткән. Эксперт комиссиясе рөхсәтен алгач, милекчегә мөрәҗәгать иткәннәр, һәм ул үз исәбенә “Юл бирегез” һәм “Хәрәкәт уңга” юл билгелә­рен урнаштырган.

Июльдә Октябрьский шәһә­рендә яшәүчеләрнең берсе социаль челтәрдәге хакимият битендә Юрий Гагарин исе­мендәге паркта төзек булмаган уен конструкция­ләренең һәм Герцен урамындагы 34нче йорт ихатасында сынган таганнарның фотоларын урнаштырган. Хәбәрне Башкортстан ЦУРы мәгълүмат системалары теркәгән.
“Октябрьский шәһәре хакимияте хезмәткәрләре мөрә­җәгатьне эшкә алды. 18 июльдә “Төзекләндерү” учреждениесе хезмәткәрләре урынга чыгып, Юрий Гагарин исемендәге парктагы конструкцияне төзәтте. Ә 19 июльдә подрядчылар гарантия йөкләмәсе буенча Герцен урамындагы ватылган таганнарны тәртипкә китерде. Бу ихата былтыр “Башкортстан ихаталары” программасы буенча төзекләндерелгән бул­ган”, – дип язалар ЦУРдан.

29 майда Уфаның Дим районындагы Дагстан урамында яшәүче кеше социаль челтәр­ләрдәге район битендә комментарий калдырган. Ул 15/1нче йорт ихатасын тәр­типкә китерүне сораган. Хәбәрне “Инцидент-менеджмент” мәгълүмат системасы теркәп, Дим районы хаки­миятенә эшкә тапшырган. Июньдә идарәче компания хезмәткәрләре эскәмияләрне ремонтлаган һәм буяган, ә аннары чүп савытлары урнаштырган. Июль аенда өстәл уеннары өчен урынны тәр­типкә китергәннәр һәм кер киптерү конструкциясен буяганнар.

Мәләвез районының Нөгеш авылыннан “Башкортстан” Милли паркына кадәр юл асфальтланган. Бу күпсанлы мөрәҗәгатьләрдән соң эшлән­гән. Халык юлда чокырлар булуы һәм юл өслеген ремонтлау зарурлыгы турында социаль челтәрләрдә язган, шулай ук “Кире элемтә” платформасында хәбәрләр калдырган. Бу темага барлык мөрәҗәгатьләрне Мәләвез районы хакимияте эшкә алган. Июльдә Нөгеш авылыннан “Башкортстан” Милли паркына кадәр юл ремонтланган.
Чишмә торак пунктында “ОПХ” һәм Элеватор бис­тәләре арасындагы юл да тәртипкә китерелгән.