Гомерендә соңгы фотосы...

Вакыйганың сәбәпләрен хокук саклау органнары ачыклый, дип хәбәр итәләр Гадәттән тыш хәлләр буенча дәүләт комитетының матбугат хезмәтендә.

Исегезгә төшерәбез, 43 яшьлек ир Урыс географик җәмгыятенең «Урал барсы» проектында катнашкан. Ул тауга менгән һәм билгеләнгән вакытка өенә кайтмаган. Аның хатыны ашыгыч хезмәтләргә мөрәҗәгать иткән. Озак эзләүләрдән соң ирнең машинасын “Малиновая” базасында тапканнар. Кичә Белорет районына эзләүләрдә катнашыр өчен янгын-коткару вертолеты очкан иде. Эзләүләрдә Башкортстан Гадәттән тыш хәлләр буенча дәүләт комитеты коткаручылары, волонтерлар һәм кинологлар катнашты.

Танылган блогер, сәяхәтче, Көньяк Урал сукмагын төзүче Рәис Габитов, шулай ук Янбулатовны эзләүдә катнашкан, үзенең социаль челтәрләрендә ир-атның беркем дә файдаланмаган "иске" юл буенча күтәрелүен хәбәр иткән.

"Мин бу урыннарны яхшы беләм, без аның маршрутының мөмкин булган вариантларын анализладык. Без аның Ялангачка классик, тамгалы сукмак белән түгел, ә аңа навигация кушымтасы күрсәткән искергән юл белән (электр линиясе аша) барганын фаразладык. Хәзер моннан Ялангачка беркем дә йөрми, шуңа күрә аны таба алмаганнар", - дип язган блогер үзенең социаль челтәрләрендә.

Габитов сүзләренчә, Янбулатов үзенең соңгы хәбәрендә каен фонында сэлфи җибәрә. Габитов төркеме башта бу каенны, ә якында ирнең гәүдәсен таба. Айратның мәетен ат белән алып чыгалар, чөнки машина белән анда беркем дә бара алмаячак. Аның күренгән тән җәрәхәтләре юк.

Мәрхүмнең туганнарының һәм якыннарының тирән кайгысын уртаклашабыз.